| c. 184 | |
| Bertrans de born. xxiij. Qvuan la nouella flors par el urgan. On son uermeill uert eblanc li brondel. abla dou- sor quieu sent al torn del an. Chant autresi con fan li autre ausel. Car p(er) ausel me tei(n)g en mantas res. Car aus uoler tot lo mielz quel mo(n) es. Voler lauseuet auer cor uolon. Mas non laus dir mon cor anz loill rescon. Eu no(n) sui drutz nidamor no(n) fei(n)g ta(n). Que(n) rason domna damor nim apel. Ni no dom nei esim ual autretan. Que lausengier fals enoios fradel. Desensei(n)gnat uillan emal ap(re). An demi dit tant neson entremes. Qe fan cuiar que lagenser del mon. Mi tei(n)gna gai |
Bertrans de born. xxiij. Quan la novella flors par el vergan on son vermeill, vert e blanc li brondel, ab la doussor q'eu sent al torn de l'an chant autresi con fant li autr'ausel; car per auzel me teing en mantas res, car aus voler tot lo mielz quel mon es. Voler l'aus eu, et aver cor volon, mas non laus dir mon cor, anz loil rescon. Eu non sui drutz ni d'amor non feing tan qu'en razon dompna d'amor ni m'apel, ni non dompnei: e si m val atretan, que lausengier fals, enoios, fradel, desenseignat, vilan e malapres an de mi dit, tant en son entremes, que fant cujar que la gensser del mon
|
| c. 184 v. | |
| lausen edesiron. Quom ses domna no(n) pot far damore chan. Mas siruentes farai fresc enouel. Puis castiar cuido(n) enguerreian. Nostre baron lo sei(n)gnor de bor- del. Ep(er) forsar tornar franc ecortes. Mal estara sancar uillans nones. Tant que chascus aia gaug sil respon. Enols enoi si bels pela nils ton. Antra aura saissi pert fon affan. Enlimoisi on ai trait cairel tant. Etanta tor tant mur etant anuan. Faig edesfaig efondut tant ch- astel. Etant autez tolt edonat emes. Eta(n)t colp dat ereseubut epres. Etanta fam tant set etant son. Com el atrait da gen troa no(n)tron. Passa p(er)uos remanon saiclaman. Enlemoisi desai uas mon saurel. P(er) uostre pro auetz faz delordan. Som dis naimars el sei(n)gner de martel. Emtaglafers engoi fautz eniofres. etut aisel q(ue)n uos seron enpres. No(n) anlas paz gens p(er)uos enque son. anz fan lor grat lai al comte raimon. Siruentes uai an raimon gauseran. Lai api nos ne ma rason lespel. Quar tan aut so(n) sei dit esei deman. Deleis que ten cabriera efo(n) durgel. Amo(n). faire en ren gratz emerces. De bergida del fin ioi que menques. Que tot mon cor me tornet iauzion. Quan nos par tim amdoi al cap del pon. Si com lausel son de sotz laurion. Son las au tras fotz la gensor del mon. |
mi tenga gai, gauzen e desiron. Quom ses dompna non pot far d'amor chan, mas sirventes farai, fresc e novel. Puis chastiar cuidon en gerrian nostre baron lo seignor de Bordel, e per forsar tornar franc e cortes, mal estara, s'ancar vilans non es tant que chascuns aia gaug s'il respon, e nols enoi si bels pela nils ton. Antra aura s'aissi pert son afan en Limoisi on ai trait tant cairel e tanta tor, tant mur e tant anvan faig e desfaig, e fondut tant castel, e tant avez tolt e donat e mes, e tant colp dat e receubut e pres, e tanta fam, tanta set e tant son com el a trait d'Agen tro a nontron. Passa, per vos remanon saiclaman en Lemoisi, de sai vas Monsaurel: per vostre pro avetz faz de lor dan, so°m dis n' Aimars, el seigner de Martel, e°n Taglafers, engol fautz eniofres, etut aisel quen vos seron enpres. Non an las paz gens per vos en que son, anz fant lor grat lai al comte Raimon. Sirventes, vai a°n Raimon Gausseran lai a Pinos, ne ma razon l'espel car tant aut son sei dit e sei deman de leis que ten Cabrieira e fon d'Urgel. A mon fraire en ren gratz e merces de Bergida, del fin ioi que m'enques, que tot mon cor en tornet gauzion quan nos partim amdoi el cap del pon. Si cum l'auzel son de sotz l'aurion son las autras sotz la genssor del mon. |