| c. 184 | |
| Bertrans de born. xxiij. Qvuan la nouella flors par el urgan. On son uermeill uert eblanc li brondel. abla dou- sor quieu sent al torn del an. Chant autresi con fan li autre ausel. Car p(er) ausel me tei(n)g en mantas res. Car aus uoler tot lo mielz quel mo(n) es. Voler lauseuet auer cor uolon. Mas non laus dir mon cor anz loill rescon. Eu no(n) sui drutz nidamor no(n) fei(n)g ta(n). Que(n) rason domna damor nim apel. Ni no dom nei esim ual autretan. Que lausengier fals enoios fradel. Desensei(n)gnat uillan emal ap(re). An demi dit tant neson entremes. Qe fan cuiar que lagenser del mon. Mi tei(n)gna gai |
Bertrans de born. xxiij. Quan la novella flors par el vergan on son vermeill, vert e blanc li brondel, ab la doussor q'eu sent al torn de l'an chant autresi cum fant li autr'ausel; car per auzel me teing en mantas res, car aus voler tot lo mieills quel mon es! Voler l'aus eu, et aver cor volon, mas no°il aus dir mon cor, anz lo°il rescon. Eu non sui drutz ni d'amor non feing tan qu'en razon dompna d'amor ni m'apel, ni non dompnei: e si°m val atretan, que lausengier fals, enoios, fradel, desenseignat, vilan e malapres an de mi dit, tant en son entremes, que fant cujar que la gensser del mon
|
| c. 184 v. | |
| lausen edesiron. Quom ses domna no(n) pot far damore chan. Mas siruentes farai fresc enouel. Puis castiar cuido(n) enguerreian. Nostre baron lo sei(n)gnor de bor- del. Ep(er) forsar tornar franc ecortes. Mal estara sancar uillans nones. Tant que chascus aia gaug sil respon. Enols enoi si bels pela nils ton. Antra aura saissi pert fon affan. Enlimoisi on ai trait cairel tant. Etanta tor tant mur etant anuan. Faig edesfaig efondut tant ch- astel. Etant autez tolt edonat emes. Eta(n)t colp dat ereseubut epres. Etanta fam tant set etant son. Com el atrait da gen troa no(n)tron. Passa p(er)uos remanon saiclaman. Enlemoisi desai uas mon saurel. P(er) uostre pro auetz faz delordan. Som dis naimars el sei8n)gner de martel. Emtaglafers engoi fautz eniofres. etut aisel q(ue)n uos seron enpres. No(n) anlas paz gens p(er)uos enque son. anz fan lor grat lai al comte raimon. Siruentes uai an raimon gauseran. Lai api nos ne ma rason lespel. Quar tan aut so(n) sei dit esei deman. Deleis que ten cabriera efo(n) durgel. Amo(n). faire en ren gratz emerces. De bergida del fin ioi que menques. Que tot mon cor me tornet iauzion. Quan nos par tim amdoi al cap del pon. Si com lausel son de sotz laurion. Son las au tras fotz la gensor del mon. |
mi tenga gai, gauzen e desiron. C'om ses dompna non pot far d'amor chan, mas sirventes farai, fresc e novel. Puis chastiar cuidon en gerrian nostre baron lo seignor de Bordel, e per forsar tornar franc e cortes, mal estara, s'ancar vilans non es tant que chascuns aia gauch si°l respon, e no°ls enoi si be°ls pela ni°ls ton. Antra aura s'aissi pert son afan en Limozin on a traich tant cairel e tanta tor, tant mur e tant anvan fraich e sesfaich, e fondut tant castel, e tant aver tolt e donat e mes, e tant colp dat e receubut e pres, e tanta fam, tanta set e tant son cum el a traich d'Agen tro a Nontron. Rassa, per vos remanon saiclaman en Limozin, de sai vas Monmaurel: per vostre pro avetz faich de lor dan, Som dis n' Aimars, el seigner de Martel, en taillafer, engol fautz eniofres, etut aisel quen vos seron enpres. Non ant las paz gens per vos en que son, anz fant lor grat lai al comte Raimon. Sirventes, vai an Raimon Gausseran lai a Pinos, q'en ma razon l'espel car tant aut son siei dich e siei deman de leis que ten Cabrieira e fon d'Urgel. A mon Fraire en ren gratz e merces de Bergidan, del fin joi que m'enqes, que tot mon cor en tornet gauzion quan nos partim amdui el cap del pon. Si cum l'auzeill son desotz l'aurion son las autras sotz la genssor del mon. |