| Fueille ne flour ne vaut riens en chanta(n)t fors parfaute sans plus de rimoie. Et pour soulas faire vilaine gent. Qui mauuez maus font souue(n)t essaucier. et Je ne chant pas pour eulz esbanoier. Mes pour mon cuer faire. i. pou plus ioians. Que uns malades engarist bien souuent dun bon con fort quant il le puet mengier. |
Fueille ne flor ne vaut riens en chantant fors par faute, sanz plus, de rimoie et pour soulas faire vilaine gent qui mauvés maus font souvent essaucier. Je ne chant pas pour eulz esbanoier, més pour mon cuer faire un pou plus joians, que uns malades en garist bien souvent d’un bon confort, quant il ne puet mengier. |
| Qui voit venir son anemi coura(n)t pour traire a lui grans saietes dacier. Jl se deuroit destorner enfuia(n)t (et) garantir. sil pouoit delaier. Mes q(ua)nt amours ueut plus amoi lancier (et) plus le sieut. Cest merueil les trop g(ra)nt que ausi recoif. son cop lagent uoia(n)t que se fusse tout seul en vergier. |
Qui voit venir son anemi courant pour traire a lui grans saietes d’acier il se devroit destorner en fuiant et garantir, s’il pouoit, delaier; mais, quant Amors vient plus a moi lancier, et plus le sieut , c’est merveilles trop grant, q’ausic recoif son cop la gent voiant que se fusse tout seul en un vergier. |
| Ie sai de voir que madame ai(n)me autant autrui que moy Cest pour moy couroucier mes ie lain plus que nulz tres durement. Si me doint dieus son gent cors en bracier Se est la riens que plus auroie chier (et) se ien sui pariures a ensient on me deuroit trai ner tout avant. (et) puis pendre plus haut que un clochier |
Je sai de voir que ma dame ainme autant autrui que moy: c’est pour moi couroucier. Més je l’ain plus que nulz tres durement, si me doint Dieus son gent cors enbracier! Se est la riens que plus avroie chier, et, se j’en sui parjures a ensient, on me devroit trainer tout avant, et puis pendre plus haut que un clochier. |
| Se ie li di dame ie vous aing tant. elle dira ie la veil en gingnier. Je nen nai pas le sans ne hardement. Que en contre li mosasse des raisnier Cuers me faudroit qui me deuroit aidier. (et) parole dautrui ni vaut noiant. Que ferai ie co(n)seilliez moi amant. liquiex vaut miex ou parler oulaissier. |
Se je li di: "Dame, je vous aim tant", Ele dira je la vueil engingnier, Je n’en n’ai le sans ne hardement Qu’encontre li m’osasse desraisnier. Cuers me faudroit, qui me devroit adier, Et parole d’autrui n’i vaut noient. Que ferai je? Conseilliez moi, amant! Li quiex vaut miex, ou parler ou laissier? |
|
Ie ne di pas que nulz aint folement. Que li plus
faus en fait mains aprissier. Mains g(ra)ns eurs ia mestier souuent plus que na sens a la fois deplai dier de b(ie)n amier ne puet nulz ensignier fors que ces cuers qui donne le talent com plus ainme de fin cuer loiaument sil en set plus et mains sen set aidier. |
Je ne di pas que nulz aint folement, que li plus faus en fait mains a prissier, mains grans eurs i a mestier souvent plus que n’a sens a la fois de plaidier. De bien amer ne puet nulz ensignier fors que ces cuers, qui donne le talent. C’om plus ainme de fin cuer loiaument, S’il en set plus et mains s’en set aidier. |