| Fueille ne flor ne uaut riens enchantant. fors por defaut sanz plus de rimoier. et pour fere solaz vilaine ge(n)t qui mauves moz font souve(n)t aboier. ie ne chant par pour aus esbanoier. mes pour mo cuer fere un pou plus ioiant. quns malades en guerist b(ie)n souvent. par un confort quan il ne puet mengier. |
Fueille ne flor ne vaut riens en chantant Fors por defaut, san plus, de rimoier Et pour fere solaz vilaine gent Qui mauvès moz font souvent aboier. Je ne chant pas por aus esbanoier, Mès pour mon cuer fere un pou plus joiant, Q’uns malades en guerist bien souvent Par un confort, quant il ne puet mengier. |
| Qui uoit venir son ane mi corant pour li traire g(ra)nt seete dacier. bien se devoit destorner en fuiant. et des fendre sil pouoit de larchier. et quant amours vient pl(us) amoi lancier. et mains la fin cest marveille trop grant quasic recoif le coup entre la gent. com se giere tout seus en un uergier. |
Qui voit venir son anemi corant Pour li traire gent seete d’acier Bien se devroit destorner en fuiant Et desfendre, s’il pooit, de larchier. Et, quant Amors vient plus a moi lancier, Et mains la fui, c’est merveille trop grant, Q’ ausic recoif son coup entre la gent Com se g’iere touz seus en un vergier. |
| Ie sai de uoir que madame aime cent. et plus assez cest por moi enpirier. e ie laim plus que nule riens uiuant. si me lest dex son gent cors en bracier. car cest la riens que plus auroie chier. en seie fin pariure a encient. len me de uroit trainer tout avant. et puis pendre plus haut que un clochier. |
Je sai de voir que ma dame aime cent Et plus assez: c’est pour moi enpirier. E je l’aim plus que nule riens vivant, Si me lest Deus son gent cors enbracier! Car c’est la riens que plus avroie chier, Et, sere sin parvuire a encient, L’en me devroit trainer tout avant Et puis pendre plus haut que un clochier. |
| Se ie li di dame ie uous aim tant. ele diraie la vueil engingnier. nen moi na pas ne sens ne har dement. que genuers li mosas se desresnier. cuer mi faudroit qui mi deuroit aidier. ne pa role datrui ni uaut noient. quen fereie conseilliez moi a mant. li quels vaut melz ou parler ou lessier. |
Se je li di: “ Dame, je vous aim tant”, Ele dira je la vueil engingnier, N’en moi n’a pas ne sens ne hardement Que g’envers li m’osasse desresnier. Cuers m’i faudroit, qui me devroit aidier, Ne parole d’autrui n’i vaut noient. Qu’en ferai je? Conseilliez moi, amant! Li quels vaur melz, ou parler ou lessier? |
|
Ie ne di pas
que nus aint folement. car li
plus fox en fet melz aprisier.
mes grant eur ia mestier sou
uentt. plus que nait sens ne re
sons ne pledier. de bien amer
ne puet nus enseignier. fors q(ui)
li cuers qui done le talent. qui
bien aimede fin cuer loi aum(en)t.
cil en set plus et mains sen set aidier
|
Je ne di pas que nus aint folement, Car li plus fous en fet melz a prisier, Mès granz eurs i a mestier souvent. Plus que n’a sens ne reson de pleidier. De bien amer ne puet nus enseignier Fors que li cuers, qui done le talent. Qui plus aime de fin cuer loi aument, Cil en set plus et mains s’en set aidier. |