| Fueille ne flor ne vaut riens enchantant. fors por defaut sanz plus de rimoier. et pour fere solaz vilanc get. qui mauves moz font souvet aborer. ie ne chant par pour. aus esbanoier. mes pour mô cuer. fere un pou plus roiant. quns malades en guerist bñ souvent .’ par un confort quan il ne puet mengrer. |
Fueille ne flor ne vaut riens en chantant Fors por defaut, san plus, de rimoier Et pour fere solaz vilaine gent Qui mauvès moz font souvent aboier. Je ne chant pas por aus esbanoier, Mès pour mon cuer fere un pou plus joiant, Q’uns malades en guerist bien souvent Par un confort, quant il ne puet mengier. |
| Qui voi venir son ane mi corant pour li traire gnt seete dacier. bien se devrait destorner en fuiant: et des fendre sil povoit de larchier. et quant amours vient pl amoi lancier. et mains la fin cest marveille trop grant quasic recoif le coup entre la gent.’ com se giere tout seus en un vergier. |
Qui voit venir son anemi corant Pour li traire gent seete d’acier Bien se devroit destorner en fuiant Et desfendre, s’il pooit, de larchier. Et, quant Amors vient plus a moi lancier, Et mains la fui, c’est merveille trop grant, Q’ ausic recoif son coup entre la gent Com se g’iere touz seus en un vergier. |
| Ie sai de vour que madame aime cent.’ et plus allex cest por moi enpirier. e ie laim plus que nule riens vivant.’ si meleit der son gent cors en bracier. car cest la riens que plus auroie chier. en sere fin parvire a encient. len me de vroit trainer tout avant. et puis pendre plus haut que un clochier. |
Je sai de voir que ma dame aime cent Et plus assez: c’est pour moi enpirier. E je l’aim plus que nule riens vivant, Si me lest Deus son gent cors enbracier! Car c’est la riens que plus avroie chier, Et, sere sin parvuire a encient, L’en me devroit trainer tout avant Et puis pendre plus haut que un clochier. |
| Se ie li di dame ie vous aim tant.’ e le diraie la vueil engingnier. nen moi na pas ne sens ne har dement.’ que genvers li mosas se des resnier. cuer mi faudroit qui mi devroit aidier. ne pa role datrui ni vaut noient. quen fereie conseilliez moi a mant. li quels vaut melz ou parler ou lessier. |
Se je li di: “ Dame, je vous aim tant”, Ele dira je la vueil engingnier, N’en moi n’a pas ne sens ne hardement Que g’envers li m’osasse desresnier. Cuers m’i faudroit, qui me devroit aidier, Ne parole d’autrui n’i vaut noient. Qu’en ferai je? Conseilliez moi, amant! Li quels vaur melz, ou parler ou lessier? |
| Ie ne di pa' que nus aint folement .’ car li plus for en fet melz aprisier. mes grant our ia mestier sou vent.’ plus que nait sens ne re sons ne pledier. de bien amer ne puet nus enseignier. fors ci li cuers qui done le talent. qui bien anne de fin cuer loi aiumint. cil en set plus et mains sen set aidier |
Je ne di pas que nus aint folement, Car li plus fous en fet melz a prisier, Mès granz eurs i a mestier souvent. Plus que n’a sens ne reson de pleidier. De bien amer ne puet nus enseignier Fors que li cuers, qui done le talent. Qui plus aime de fin cuer loiaument, Cil en set plus et mains s’en set aidier. |