| I | |
| A Utresim pren com fa al iugador Cal comensar ioga maistramen al petit iog pois sescalfa perden Qel fa montar tan qes en la folor aissim mis eu pauc a pauc en la uia Qeu cuiaua amara maistria Si quem pogues partir can mi uolgues On soi entratz tant qeir no(n) puis gies |
Autresi·m pren com fa al iugador,
c’al comensar ioga maistramen
al petit iog, pois s’escalfa perden,
qe·l fa montar tan q’es en la folor
aissi·m mis eu pauc a pauc en la via,
q'eu cuiava amar a maistria
si qu’em pogues partir can mi volgues,
on soi entratz tant qeir non puis ges.
|
| II | |
| Autra uez fui en la prison damor don escapei mais aoram repren. Ab un cortes engeing tan sotilmen Qem fai plazer mon mal e ma dolo(r) Cun laz me fez metral col ab qem lia Don per mon grat mais nom deslieria E nulz autrom qe fos liaz non es Qil deslies qe ben no li plagues |
Autra vez fui en la prison d'amor, don escapei mais aora·m repren ab un cortes engeing tan sotilmen qe·m fai plazer mon mal e ma dolor; c'un laz me fez metr' al col ab qe·m lia, don per mon grat mais no·m desliaria; E nulz autr' om qe fos liaz non es, Qi·l deslies, qe ben no li plagues. |
| III | |
| Anc mais nulz temps no(n) trobei liador Qe tan ferm lies a tan pauc liamen Qel liam fo cortz dun braz solamen Don non trob chai qim desli ni aillor Enliamaz soi tan qe sim uolia Desliamar ges far non o porria Camor qe lai mo liame(n)t empres Meliama sai plus fort per un tres |
Anc mais nulz temps non trobei liador qe tan ferm lies a tan pauc liamen, qe·l liams fo cortz d'un braz solamen, don non trob ch'ai qi·m desli, ni aillor. enliamaz soi tan qe, si·m volia desliamar, ges far non o porria; c'amor qe lai mo liament e·m pres, m'e liama sai plus fort per un tres. |
| IV | |
| A lei des fers quai ses tirador Ues laziman qel tirauan si gen Amor qem sap tirar ses tiramen Mas tira ma si uals p(er)la meillor Qe se dautra meillurar me sabria E am tant lo meill qe ben meilluraria Mas meillurar non cre qe mi pogues Ueus p(er) qe ma per la meillor conqes |
A lei des fers qu'ai ses tirador ves l'aziman qe·l tiravan si gen, amor qe·m sap tirar ses tiramen, mas tira m'a sivals per la meillor Qe se d'autra meillurar me sabria e am tant lo meill qe ben meilluraria mas meillurar non cre qe mi pogues. Ve·us per qe m'a per la meillor conqes. |
| V | |
| Ha g(e)ntil cors formar plus gen d(e) flor Aiaz de mi cal aco chausimen Qi eu mor per uos denuei e de talen E podetz lo proar a ma color Cam uos remir qe trafit e chambia Qe foralmosna e granz cortesia Cumilitaz mercian uos preges Daqest coichos sofreichos de toz bes |
Ha gentil cors, formar plus gen de flor, aiaz de mi calaco chausimen, Qieu mor per vos d'envei'e de talen e podetz lo proar a ma color, cam vos remir, qe trafit e chambia qe for almosna e granz cortesia c'umilitaz mercian vos preges d'aqest coichos, sofreichos de toz bes. |
| VI | |
| Ben platz Guill(e)m malaspina ma(r)ques Car conqer prez e prez ali conqes |
Ben platz Guillem Malaspina marques, car conqer prez e prez a lui conqes. |
| VII | |
| Biatriz dest lo bens qen uos es Fa meillora las autras ab los bes |
Biatriz d'Est lo bens q'en vos es Fa meillora las autras ab los bes. |