| I | |
| A Utresim pren com fa al uigator Cal comensar ioga maistramen al petit iog pois sescalfa perden Qel fa montar tan qes en la folor aissim mis eu pauc a pauc en la uia Qeu cuiaua amara maistria Si quem pogues partir can mi uolgues On soi entratz tant qeir no(n) puis gies |
Atressi-m pren quom fa al iogador,
qu’al comensar iogua maistralmen
a petits ioc, pois s’escalfa perden,
que-l fa montar tan qu’es en la folor
aissi-m mis eu pauc e pauc en la via,
q'eu cuiava amar a maistria
si qu’em pogues partir quan mi volgues,
on soi intratz tant queir non pois ges.
|
| II | |
| Autra vez fui en la prison damor don escapei mais aoram repren. Ab un cortes engeing tan sotilmen Qem ai plazer mon mal e ma dolo(r) Cun laz me fez metral col ab qem lia Don per mon grat mais nom deslieria E nulz autrom qe fos liaz non es Qil deslies qe ben no li plagues |
Autra vez fui en la prison d'amor, don escapei mais aora-m repren ab un cortes engeinh tan sotilmen que-m ai plazer mon mal e ma dolor; q'un laz me fez metr' al colh ab que-m lia, don per mon grat mais no-m desliaria; E nulhs autr' om que fos liaz non es, Qui-l deslies, que ben no li plagues. |
| III | |
| Anc mais nulz temps no(n) trobei liador Qe tan ferm lies a tan pauc liamen Qel liam fo cortz dun braz solamen Don non trob chai qim desli ni aillor Enliamaz soi tan qe sim uolia Desliamar ges far non o porria Camor qe lai mo liame(n)t empres Meliama sai plus fort per un tres |
Anc mais nulhs temps non trobei liador que tan ferm lies a tan pauc liamen, que-l liams fo cortz d'un braz solamen, don non trop ch'ai qui-m desli, ni aillor. enliamaz soi tan que, si-m volia desliamar, ges far non o porria; qu'amor que lai mon liament e-m pres, m'enliama sai plus fort per un tres. |
| IV | |
| A lei des fers quai ses tirador Ues laziman qel tirauan si gen Amor qem sap tirar ses tiramen Mas tira ma si uals p(er)la meillor Qe se dautra meillurar me sabria E am tant lo meill qe ben meilluraria Mas meillurar non cre qe mi pogues Ueus p(er) qe ma per la meillor conqes |
A lei des fers qu'ai ses tirador ves l'aziman que-l tiravan si gen, amor que-m sap tirar ses tiramen, mas tira m'a sivals per la meillor Que se d'autra meillurar me sabia e am lo meillh que ben meilluraria mas meillurar non cre que mi pogues. Ve-us per que m'a per la meillor conqes. |
| V | |
| Ha gt nal cors format plus gen d flor Aiaz de mi cal aco chausimen Qi eu mor per uos denuei e de talen E podetz lo proar a ma color Cam uos remir qe trafit e chambia Qe foralmosna e granz cortesia Cumilitaz mercian uos preges Daqest coichos sofreichos de toz bes |
Ah! gentil cors, format plus gen de flor, aiaz de mi qualacom chausimen, Que eu mor per vos d'envei'e de talen e podetz o proar a ma color, quam vos remir, que trafit e chambia que for almosna e granz cortesia q'umilitaz merceian vos preges d'aquest coichos, sofreichos de toz bes. |
| VI | |
| Ben platz Guillm malaspina ma(r)ques Car conqer prez e prez ali conqes Biatriz dest lo bens qen uos es Fa meillora las autras ab los bes |
Ben platz Guillem Malaspina marques, quar conquer pretz e pretz a lui conques. Beatriz d'Est lo bens qu'en vos es Fa meillorar las autras ab los bes. |