| Aimeric | Aimeric |
| I | |
| A Tresim pren com fa al iugador Cal comensar ioga maistramen Al petit iog pois sescalfa perden Qel fa montar tan qes en la folor Aissim mis eu pauc a pauc en la uia Qeu cuiaua amara maistria Si qem pogues partir can mi uolgues Or soi entratz tant qesir no(n) puis gies |
Atresi·m pren com fa al iugador, c'al comensar ioga maistramen al petit iog, pois s'escalfa perden, qe·l fa montar tan q'es en la folor, aissi·m mis eu pauc a pauc en la via, qeu cuiava amar a maistria si q'em pogues partir can mi volgues, or soi entratz tant qesir non puis gies. |
| II | |
| Autra uez fui en la prison damor Don escapei mais aoram repren Ab un cortes engeing tan sotilmen Qem fai plazer mon mal e ma dolo(r) Cun laz mefez metral col ab qem lia Don per mon grat mais nom deslieria E nulz autromqe fos liaz non es Qil deslies qe ben no li plagues |
Autra vez fui en la prison d'amor, don escapei mais aora·m repren ab un cortes engeing tan sotilmen qe·m fai plazer mon mal e ma dolor; c'un laz me fez metr' al col ab qe·m lia, don per mon grat mais no·m deslieria, e nulz autr' om qe fos liaz non es, qi·l deslies, qe ben no li plagues. |
| III | |
| Anc mais nulz temps no(n) trobei liador Qe tan ferm lies a tan pauc liamen Qel liam fo cortz dun braz solamen Don non trob chai qim desli ni aillor Enliamaz soi tan qe sim uolia Desliamar ges far non o porria Camor qe lai mo liame(n)t empres Meliama sai plus fort per un tres |
Anc mais nulz temps non trobei liador qe tan ferm lies a tan pauc liamen, qe·l liam fo cortz d'un braz solamen, don non trob ch'ai qi'm desli ni aillor. enliamaz soi tan qe, si·m volia desliamar, ges far non o porria; c'amor, qe lai mo liament e·m pres, m'e liama sai plus fort per un tres. |
| IV | |
| A lei des fers q uai ses tirador Ues laziman qel tirauan si gen Amor qem sap tirar ses tiramen Mas tira ma si uals p(er)la meillor Qe se dautra meillurar me sabria E am tant lo meill qe ben meilluraria Mas meillurar non cre qe mi pogues Ueus p(er) qe ma per la meillor conqes |
A lei des fers que vai ses tirador ves l'aziman qe·l tiravan si gen, amor, qe'm sap tirar ses tiramen, mas tira m'a sivals per la meillor; qe se d'autra meillurar me sabria, e am tant lo meill qe ben meilluraria, mas meillurar non cre qe mi pogues. ve·us per qe m'a per la meillor conqes. |
| V | |
| Ha g(e)ntil cors format plus gen d(e) flor Aiaz de mi cal aco chausimen Qi eu mor per uos denuei a de talen E podetz lo proar a ma color Cam uos remir qe trasu e chambia Qe foralmosna e granz cortesia Cumilitatz mereian uoz preges Daqest coichos sofreichos de toz bes |
Ha gentil cors, format plus gen de flor, aiaz de mi calacom chausimen, qieu mor per vos d'enveia de talen e podetz lo proar a ma color, cam vos remir, qe trasv'e chambia; qe for almosna e granz cortesia c'umilitatz mereian voz preges d'aqest coichos, sofreichos de toz bes. |
| VI | |
| Ben platz Guill(e)m malaspina ma(r)ques Car conqer prez e prez ali conqes |
Ben platz Guillem Malaspina marques, car conqer prez e prez a li conqes. |
| VII | |
| Biatriz dest lo bens qen uos es Fa meillorar las autras ab los bes |
Biatriz d'Est, lo bens q'en vos es fa meillorar las autras ab los bes. |