| Aimeric | Aimeric |
| I | |
| A Tresim pren com fa al uigator Cal comensar ioga maistramen Al petit iog pois sescalfa perden Qel fa montar tan qes en la folor Aissim mis eu pauc a pauc en la uia Qeu cuiaua amara maistria Si qem pogues partir can mi uolgues Or soi entratz tant qesir no(n) puis gies |
Atressi-m pren quom fai al iogator, qu'al comensar ioga maistralmen al petit iog, pois s'escalfa perden, que-l fa montar tan qu'es en la folor, aissi-m mis eu pauc e pauc en la via, que cuiava amar a maistria si qu'en pogues partir quan mi volgues, or soi entraz tant qu'issir non puois ges. |
| II | |
| Autra uez fui en la prison damor Don escapei mais aoram repren Ab un cortes engeing tan sotilmen Qem fai plazer mon mal e ma dolo(r) Cun laz mefez metral col ab qem lia Don per mon grat mais nom deslieria E nulz autromqe fos liaz non es Qil deslies qe ben no li plagues |
Autra vetz fui en la prizon d'amor, don escapei mais aora-m repren ab un cortes engeinh tan sotilmen que-m fa plazer mon mal e ma dolor; q'un latz me fetz metr' al colh ab que-m lia, don per mon grat mais no-m desliaria, e nulhs autr' om que fos liatz non es, qui-l deslies, que ben no li plagues. |
| III | |
| Anc mais nulz temps no(n) trobei liador Qe tan ferm lies a tan pauc liamen Qel liam fo cortz dun braz solamen Don non trob chai qim desli ni aillor Enliamaz soi tan qe sim uolia Desliamar ges far non o porria Camor qe lai mo liame(n)t empres Meliama sai plus fort per un tres |
Anc mais nuls temps non trobei liador que tan ferm lies a tan pauc liamen, que-l liam fo cortz d'un braz solamen, don non trop ch'ai qui'm desli ni aillor. enliamatz sui tan que, si-m volia desliamar, ges far non o porria; qu'amors, que lai mon liament e-m pres, m'enliama sai plus fort per un tres. |
| IV | |
| A lei des fers q uai ses tirador Ues laziman qel tirauan si gen Amor qem sap tirar ses tiramen Mas tira ma si uals p(er)la meillor Qe se dautra meillurar me sabria E am tant lo meill qe ben meilluraria Mas meillurar non cre qe mi pogues Ueus p(er) qe ma per la meillor conqes |
A lei des fers que vai ses tirador ves l'aziman que-l tiravan si gen, amor, que'm sap tirar ses tiramen, mas tira m'a sivals per la meillor; que se d'autra meillorar me sabia, e am tant lo meill que ben meilluraria, mas meillurar non cre que mi pogues. ve-us per que m'a per la meillhor conqes. |
| V | |
| Ha gt nal cors format plus gen d flor Aiaz de mi cal aco chausimen Qi eu mor per uos denuei a de talen E podetz lo proar a ma color Cam uos remir qe trasu e chambia Qe foralmosna e granz cortesia Cumilitatz mereian uoz preges Daqest coichos sofreichos de toz bes |
Ah! gentil cors, formar plus gen de flor, aiatz de mi qualacom chausimen, qu'eu mor per vos d'enveia de talen e podetz lo proar a ma color, quan vos remir, que trasv'e chambia; que for almosna e cortesia q'humilitatz mereian vos preges d'aquest coichos, sofraichos de totz bes. |
| VI | |
| Ben platz Guillm malaspina ma(r)ques Car conqer prez e prez ali conqes |
Ben platz Guillem Malaspina marques, quar conquer pretz e pretz a lui conques. |
| VII | |
| Biatriz dest lo bens qen uos es Fa meillorar las autras ab los bes |
Beatritz d'Est, lo bens qu'en vos es fa meillorar las autras ab los bes. |