| I | |
| A Tressim pren con fai ali oiador. Cal comensar io gua maistra men. al petit ioc pueis ses cal fa per den. Quel fai mon tar tant ques enla follor. aissim mis eu pauc e pauc enlauia. Que cui dau a amar per maistria. Si que(n) pogues parti(r) can me uol gue(s) arson in tratz tan quissir non posc ges. |
Atressi·m pren quom fai al iogador, qu'al comensar iogua maistralmen al petit ioc, pueis s'escalfa perden, que·l fai montar tant qu'es en la folor aissi·m mis eu pauc e pauc en la via, que cuidava amar per maistria si qu'en pogues partir quan me volgues, ar son intratz tan qu'issir non posc ges. |
| II | |
| Autra uetz fui enla preizon damor. Don esca piei mas era mere pren. abun es gard don mos cors ses con pren. Quem fai plaçer momal emadolor. C un las mi fes metral col ab quem lia. Don per mon grat ia nom des liaria. Emais nu ls hom ci mont liatz non es. Quil des lies que ben non li plagues. |
Autra vetz fui en la preizon d'amor, don escapiei mas ora me repren ab un esgard don mos cors ses conpren que·m fai plaçer mo mal e ma dolor, q'un latz mi fetz metr' al colh ab que·m lia, don per mon grazia no·m desliaria, e mais nuls hom ci mont liatz non es, qui·l deslies que ben no li plagues. |
| III | |
| Anc mais nul tenps non tro biei liador. Tan ferm lies ab tan pauc lia men. Quel liam(s) fon cortz dun bratz solamen. Enon trob sai quem des li ni aillor. En lia matz soi tant q(ue) sim uolia. Des liamar ges far no no poria. Camors ques lai men liamen em pres. Menlia ma sai plus fort per un tres. |
Anc mais nulh tenps non trobei liador tan ferm lies ab tan pauc liamen, que·l liams fon cortz d'un bratz solamen, e non trop sai que·m desli, ni aillhor. enliamatz soi tant que, si·m volia desliamar, ges far non o poria, qu'amors, ques lai m'enliamen e·m pres, m'enliama sai plus fort per un tres. |
| IV | |
| A lei del fer que uai ses tirador ves lay man quel tira uai siguen. amors quem sap tirar ses ti(ra)men. Mas tirat masiuals per la meillor. Q(ue) sieu dautra meillurar misa bia. Tant am lo miels que bem meilluraria. Mas meil lura(r) non cre queu men po gues veus per que ma per la meillor con ques. |
A lei del fer que vai ses tirador ves l'amant que'l tira vai siguen, amors, que·m sap tirar ses tiramen, mas tirat m'a sivals per la meillor, que si eu d'autra meillurar me sabia, tant am lo mielhs que be·m meilluraria, mas meillhurar no cre qu'eu m'en pogues. ve·us per que m'a part las melhors conqes. |
| V | |
| A gen tils cors plus gen format de flor. pren gaus de mi calo com chauzimen. Queu moer per uos den ueie detalen. Epodes opro ar amacolor. Que souen net entrasuz (s)ca(m) bia. per que fora almosne cortezia. Sumelitaz merce ian uos prezes. Da quest for fait sofraitos de tos bes. |
Na! gentils cors, plus gen format que flor, prend gauìs de mi qualacom chauzimen, qu'eu muor per vos d'envei e de talen e podes o proar a ma color, que sovennet entra sutz scambia; per que fora almosn'e cortezia s'humilitatz merceian vos prezes d'aquest forfait sofraitos de tos bes. |
| VI | |
| Dieus salguillis mal espina mar ques. Que con quer pre tz epretz ael con ques. |
Dieus sa'l Guillis Malespina marques, que conquer pretz e pretz a el conques. |
| VII | |
| N abiatriz dest lobes quen uos es. fan meillurar las autras ab lurs bes. |
Na Beatritz d'Est, lo bes qu'en vos es fan meillurar las autras ab lors bes. |