Tu sei qui

Revisione di Edizione diplomatica del Mer, 26/04/2023 - 21:58

	li rois de na uarre Fueille ne flor ne uaut riens en chantant. fors por defaut sanz plus de rimoi er. et pour fere solaz uilaine gent. qui mauues moz font souuent aboier. ie ne chant
	pas por aus esbanoier. mes por mon cuer. fere un pou plus ioi ant. quns malade en guerist bien souuent par un confort quant il ne puet mengier
	Qui uoit uenir son anemi corant. pour trere al ui grant saete da cier. bien se deuroit destorner en fuiant. et desfendre sil pouoit de larchier. et quant amors uie(n)t plus amoi lancier. et mains la fui cert merueille trop grant. qausic recoif le coup entre lage(n)t com se giere touz seus en un uer- gier.
	Ie sai de uoir que mada- me aime cent; et plus assez cest pour moi enpirier. et ie laim plus que nule riens uiuant. si me lest dex son gent cors en bracier. car cest la riens que pl(us) auroie chier. et se ie sui parui re a escient. len me devroit trai ner tout auant. et puis pen dre plus haut que un clochier.
	Se ie li di dame ie uous aim tant; e le dira ie la vueil engi(n)g nier. nen moi na pas ne sens ne hardement; que genuers la mosasse desresnier. cuer mi fau droit qui mi deuroit aidier. ne parole dautrui ni uaut noi ent. quen ferai ie conseilliez moi amant; li quels haut melz ou parler ou lessier.
	Ie ne di pas que nus aint folement. car li plus fox en fet melz a prisier. mes grant eur ia mest souuent. plus que nait sens ne reson ne pledier. de bien amer ne puet nus enseignier. fors q(ue) li cuers qui done le talent. q(ui) bien aime de fin cuer loiaum(en)t cil en set plus et mains se(n) set aidier.