Tu sei qui

Revisione di Edizione diplomatica del Gio, 13/07/2023 - 20:25

Versione stampabile

[cc. 27r]

	Fueille. ne flours. ne uaut rienz en chantant. que por defaut. sanz plus. de rimoier. (et) pour. fere. soulaz vilaine gent. qui mauues.mos font souue(n)t abaier. je ne chant pas por eus esbanoier. mes por mon cuer fe re. j. poi plus iaiant. cuns ma lades en guerist bien souuent par.i. [con]fort. quant il ne puet
	mengier.
	Qui voit venir son anemi courant. pour trere ali grant seete dacier. b(ie)n se deuroit destorner e(n) fuiant. (et) deffendre. sil pooit de lar chier. (et) q(ua)nt amours uient plus amoi lancier. (et) mainz la fui cest merueille trop granz. q(ua)nt ne recoif le cop(er) entre la gent. c(on) se giere touz seus. en. i. vergier.
	Ie sai deuoir. Que madame ai me tant. (et) plus assez cest por moi empirier. (et) ie laing plus que mile rienz viuant. si me lest diex son gent cors embracier car cest la rienz que plus auroie chier. (et) seie sui pariure a escient. len medeuroit trainer tot auant (et) puis pendre. plus haut que nul clochier.
	Se ie li di dame. je vous aing tant. ele dira ie la uueil engi- gnier. nen moi na pas ne senz ne hardement. que ien uers li mosasse desrenier. cuer. mi fau droit qui mi deuroit aidier. ne parole dautrui ni uaut noia(n)t c(on)seilliez moi por dieu loial ama(n)t li quiex vaut miex. ou paller. ou lessier.
	Ie ne di pas. que nus aint fo lement. car li plus fox en fet miex aprisier. mes g(ra)nt eur ia mestier. souuent. plus que na senz ne reson ne pleidier. de b(ie)n

[cc. 27v]

amer ne puet nus e(n)seiginer. fors
que li cuers. qui donne le talent
qui b(ie)n aime de fin cuer loiaume(n)t
cil en set plus. (et) mainz sen set aid(er).