Revisione di Edizione diplomatica del Gio, 13/10/2022 - 22:12

Versione stampabilePDF version
Naimerig de pegugnan.

a               Utressim prend com fai al iugador. Qal comensar ioga
                 maestramen. a petit ioc pois se scalfa perden. Qel fa
  montar tan qes en la follor. aissim mis eu pauc a pauc en la
  uia. Qem cuiaua amar a maestria. Si qem pogues partir qan
  mi uolgues. ar soi entraz tant qesir no(n) pote ges.

a      utra ues fui en la preison damor. don escapei mais eram
  repren. ab un cortes engeing tan sotilmen. Qen fai plaiser mo(n)
  mal e ma dolor. Qun laiz me mis al col ab qem lia. Don per
  mon grat mais no(n) deslieria. E nulz autrom qe fos liaz no(n) es
  Qil deslies qe ben no li plagues.

a      nc mais nuls te(m)ps non trobei liador. tan ferm lies a tan
  pauc liamen. Qel liam fo cortz dun braç solamen. Don non

  trob ghai qim desli ni aillor. En li amaz soi tanqe sim uolia
  Desliamar ges far non o porria. Qamor qe lai mon liamet em
  pres. Me liamasai plus fort per un tres.

a     lei del fer qe uai ses tirador. Ves laziman qel tira uas
  seguen . a mor qem sap tirar ses tiramen. Mas tirama si uals per
  la meillor. Qe se dautra meillurar me sabria. tant am la meill
  qe ben meilluraria. Mas meillurar non cre qe mi pogues. Perqem
  par la meillur qun es.

a     gentils cor format plus gent flor. aiaz de mi qalqun iau 
  simen. Qeu mor per uos denuei i de talen. E podez lo proar
  a ma color. Qan uos remir qe trauail i cambia. Qe for almos
  na i gran cortesia. Qumilitaz merçean uos preses. Daqest
  corchos sofraiços de toz bes.
b     en plaz guillielm malaspina marqes. Qar conqer prez i
  preç ali conqes.
n     abiatris dest lo bens qeu uos es. E a meillorar las 
  autras ab los bes.
   
 
  • letto 158 volte