[c. 154 r. A]
 |
JE ne uoi mais nelui qui ju ne chant. ne uolentiers faice feste ne ioie. (et) por ceu ai demoreit longue ment. ke ne chantai ansi (com) ie sou loie. ne ie ne nai eut coma(n)deme(n)t (et) por iceu ce iai dit follem(en)t. an ma chanson. de ceu ke ie voldroie ne man doit on reprendre malle ment. Grant pechiet fait que fin amant reprent. cilz nai(m)me pas ke por dis ce chastoie. (et) lai costume est teil de fin amant. pl(us) pence ali (et) il plus ce desroie. qui an amor ait tout cuer (et) tallent. |
[c. 154 r. B]
 |
il doit soffrir bien (et) mal m(er)ciant (et) qui ansi nel fait il ce foloient ne ia naurait gra(n)t ioie an son viuant. Si maie deus onques ne vi ne lui. tres bien ameir ki san puisse retraire. (et) cilz est folz (et) felz (et) plains danuit. q(ue) atrement vuelt meneir son a faire. he sa vi eiz esteit lai ou ie(n) fu. douce dame sains damors rienz conu. vostres dous cuers ke si peirt debonaires auroit mercit sonkes rienz lot dautrui. Quant plus manchau ce amors (et) mains la fui. cist max est bien atouz autres con traire. car qui aime ainz dex ne fist celui; nestuit souuent de ses max ioie faire. de uos am(er) onques ne me recrui. puis ce - le heure dame que uostres fui. que mes fins cuers uous fist tant amoi plaire. dont mau gre soi de ce que ien len crui. Si sui pensis que ne sai que ie qier; fors que merci dame sil uous agree. que bien sauez ia niert en reprouuier; dor gueilleus cuer bone chanco(n) chantee. mes par pitie se doit on essaucier. ne ia orguels ne si doit herbegier. la ou il a damors tel renonmee. ainz doit |
[c. 19 A]
| le sien bien faire et aua(n) cier. Chancon di li que tot ce na mestier. que sele auoit cent foiz mamort iuree. si mestuet il remaindre en son dangier. |