[c. 67 r.]
 |
| Bele (et) bone est cele por cui ie chant sen doiuent bien mes chancons en meudrer. puis cele hore que ie la ui auant ne poi aillors ka li mon cuer torner. mais molt souent me tormente (et) esmaie. ceu q(ue) ie lai tant |
[c. 67 v.]
 |
| serui en menaie. neinz nel me uolt de riens guerredoner Contesse a droit la fors seulement kapris ma a chanter. doit on apeler. de tot solaz (et) de tot auenant. soutrageus fui de hautement panser souent men uient mes bels forfaiz deuent. crueusement (et) nuit (et) ior messaie. leials amors q(ui) de rien ne mapaie. tant mi truis fin /leial/ (et) esproue. que deus me doint morir ou recou(re)r. |
 |
| Merci doi bien de fin cuer desirrer. (et) demander bonem(en)t en chantant. redout les biens dont ele at tant. ie nai pooir q(ue) de uos me ret(ra)ie douce dame por dolor q(ue) ien aie. ne ne uos puis de rien entroblier. or me doint deus en vos merci trouer. |
 |
| Douce dame cortois (et) auenant. tant doucement uos re - quier en chantant. ioie (et) merci que desire ai tant. sor men faillez ne uiurai ior auant. se ne di que biens ne men eschaie. ioie en aurai de franche amor ueraie. ou ien morrai fins amins senz fauser. (et) uostre amors ne mi porra greuer. |