Tu sei qui

Revisione di Edizione diplomatico-interpretativa del Mer, 01/12/2021 - 14:39

I
DOmpna pois demi nous cal. Epartit mauetz de uos. Senes totas ochaisos. Nosai omen q(ue)i- ra. Que iamais. No(n) er p(er)mi tant rics iais. Cobratz. Esi del senblan. Nom trob do(m)na mo(n)ta- lan. Que uailla uos quai perduda. Jamais non uoill auer druda.	Dompna pois demi no·us cal epartit m'avetz de vos senes totas ochaisos, no sai om'enqueira que ja mais non er per mi tant rics jais Cobratz. E si del senblan nom trob domna mon talan que vailla vos quai perduda ja mais non voill aver druda.
II
Pois no(n) pos trobar egal. Tan bella que fos tan pros. Ni sos rics cors tan ioios. De tant bella teira. Ni tant gais. Ni sos rics pretz tant uerais. Jrai per tot acaptan. De chascuna un bel senblan. p(er) far domna soicebuda. Tro uos me siatz renduda.	Pois non pos trobar egal tan bella que fos tan pros ni sos rics cors tan joios de tant bella teira ni tant gais ni sos rics pretz tant verais irai per tot acaptan de chascuna un bel senblan per far domna soicebuda tro vos me siatz renduda.
III
Fresca color natural. Pren bels cebebrins de uos. Eill douz esgartz amoros. Efatz gran sobreira. Car rei lais. Quan res de bes nous sofrais. Mi donz naelis deman. Son adreg parlar gaban. Que(m) don amidonz aiuda. Pois no(n) er fada ni mu- da.	Fresca color natural pren bels cebebrins de vos eill douz esgartz amoros e fatz gran sobreira car re·i lais quan res de bes no·us sofrais midonz n'aelis deman son adreg parlar gaban quem don a midonz aiuda pois non er fada ni muda.
IV
Dechal es lauetz comdal. Voill que(m) done aestors. la gola es mans amdos. Puois tenc ma charrera. Nom biais. Vers roca choart meslais. Als pels naignes que(m) daran. Que yseutz la domna trista(n). Quen fo p(er) totz me(n)taguda.Nils ai tan bels asa- ubuda.	Dechal es la vetzcomdal voill quem done a estors la gola es mans amdos puois tenc ma charrera no·m biais, vers Rocachoart m'eslais als pels n'Aignes quem dara·n que yseutz la domna Tristan quen fo per totz mentaguda ni·ls ai tan bels a saubuda.
V
Naudiartz si bem uol mal. Voill que(m)don de sas faichos. Quel esteu gen liasos. Ecar es entei- ra. Quanc nous frais. Samors nils uols embi- ais. Amon mielz de ben de man. Sonadreit nou cors presan. De que par ala ueuda.la faza bon tener nuda.	N'Audiartz si be·m vol mal voill quem don de sas faichos quel esteu gen liasos e car es enteira quanc no·us frais s'amors nils uols embiais a mon mielz de ben deman son adreit nou cors presan de que par a la veuda. la faza bon tener nuda.
VI
Dena faidida tretal. Voill sas bellasdenz en dos. la cuillir el gent respos. Do(m)n es presentera. Dinz sou ais. Mos bels moiols uoill que(m) lais. Sa gaiesa eson bel gran. Ecar saup son ben est- an. Far don es reconoguda. Eno sen cambia nis muda.	Dena faidida tretal. Voill sas bellasdenz en dos. la cuillir el gent respos. Do(m)n es presentera. Dinz sou ais. Mos bels moiols uoill que(m) lais. Sa gaiesa eson bel gran. Ecar saup son ben est-an. Far don es reconoguda. Eno sen cambia nis muda.
VII
Bel seingner ieu nous quier al. Mas que fos tan cobeitos. Daquesta cu(m)sui de uos. Cunalechade- ra. Amors nais. Mas uoill de uos lo deman. Que dautra tener baisan. Doncs midons p(er) que(m) refuda. Pois sab que tan lai uolguda.	Bel seingner ieu nous quier al. Mas que fos tan cobeitos. Daquesta cu(m)sui de uos. Cunalechade-ra. Amors nais. Mas uoill de uos lo deman. Que dautra tener baisan. Doncs midons p(er) que(m) refuda. Pois sab que tan lai uolguda.
VIII
Papiol mon aziman. Manaras dir enchantan. Quamors es desconoguda. Chai edaut bas caze- guda.	Papiol mon aziman. Manaras dir enchantan. Quamors es desconoguda. Chai edaut bas caze-guda.