| aymeri de pegoillan. | Aymeric de Pegoillan |
| I | |
| Atresim pren con fai aliugador. qal come(n) sar iuega maistram(en). apetit uiec pueis seschalfa per den. qel fai montar tro qes en la follor. aissim mis ieu pauc e pauc enlauia. qem cuiaua a mar a meistria. don mi poges partir qan mi volges. ei sui intratz tan qissir no(n) puesc ges. |
Atressi·m pren quom fai al iogador, q'al comensar iuega maestralmen a petit ioc pueis s'escalfa perden, que·l fai montar trop q'es en la folor, aissi·m mis ieu pauc e pauc en la via, q'em cuiava amar a maestria don mi pogues partir quan mi volgues, ei sui intraz tan q'issir non puesc ges. |
| II | |
| Autra ues fui enla prizon damor. don escapei mas aras mi repren. ab un engeinh cortes ta(n) sotil men. qem fai planzer mo(n) mal e ma dolor. qun las mi fes me trel cor. abqemlia. don per mon grat mais nom desliaria. e nulls autroms qeu fos liatz no(n) es. qil deslies q(ue) ben no(n) li plages. |
Autra vetz fui en la prison d'amor, don escapei mas aora's mi repren ab un engienh cortes tan sotilmen que·m fai pianger mon mal e ma dolor, q'un latz mi fetz metr' el cor ab que·m lia, don per mon grat mais no·m desliaria e nulls autr' oms que fos liatz non es, qui·l deslies que ben non li plagues. |
| III | |
| ANc mais nulls temps no(n) tro bei liador. tan ferm lies ab tan pauc liamen. qe le liams fon dun bais solamen. don no(n) trueb sai qim desli ni ailhor. enliamatz sui tan qe sim uolia. desliamar ges far no(n) o poiria. qar fin amors qel sien liam mapres. men lia ma sai plus fort per un tres. |
Anc mais nulhs temps non trobei liador tan ferm lies ab tan pauc liamen, que le liams fo d'un bais solamen, don non truep sai qui·m desli ni allhor. enliamatz sui tan que si·m volia desliamar ges far non o poiria; quar fin amors quel sien liam m'a pres, m'enliama sai plus fort per un tres. |
| IV | |
| Alei delfer qe uai ses tirador. ues laimantz qel tiral uau segen. a mors qem sap tirar sestirame(n). mas tirat ma suials per la me ilhor. qar si dautra meilhurar mi sabia. tam am lo miells qe bem meilhureria. mas meil hurar non crei qe men poges. ueus per qe ma part lasmeilhors conqes. |
A lei del fer que vai ses tirador ves l'aimants que·l tirava seguen, amors, que'm sap tirar ses tiramen, mas tirat m'a suvals per la meilhor; qar si d'autra meillhorar me sabia, tant am lo miels que be·m meilhuraria, mas meillhurar non cre que m'en pogues. ve·us per que m'a part las meillhors conqes. |
| V | |
| Nagentil cors formatz plus ge(n)t de flor. aiaz de mi qal oqom. chauzimen. qar muer de uos denueia de talen. e podesopro ar a ma color. qan uos remir qes muda es cambia. per qe fo ra hueimais grantz cortezia. qumilitatz merceiam uos p(re) zes. daiqest chaitiu sofraitos de tos bes. |
Na gentils cors, formatz plus gent de flor, aiatz de mi qualacom chauzimen, quar muer de vos d'enveia de talen e podetz o proar a ma color, quan vos remir, que's muta e·s cambia per que fora hueis mais grand cortezia q'humilitatz merceian vos prezes d'aquest c'hai tuo sofrachos de tos bes. |
| VI | |
| BEm plai guillelms malaspina marqes. qar conqer prez e prez ha lui conqes. |
Be·m plai Guillelms Malaspina marques, quar conquer pretz e pretz a lui conques. |
| VII | |
| Na biatriz daqest ben qen uos es. fas meilhurar las autras ab lurs bes. |
Ah Beatritz d'aquest ben qu'en vos es fas meilhorar las autras ab lors bes. |