| Amaimerics de piguillam. | Aimerics de Piguillam |
| I | |
| Tressim pren con fai al iogador. Cal come(n)sar ioga maistramen. apetit ioc puois ses calua perden. Quel fai mo(n)tar ta nt ques enlafollor. aisi mis eu pauc epauc enla uia. Que cuidaua amar per maistria. si q(ue)s pogues partir qant me uolgues. arson i(n)traz tant quissir no(n) puesc ges. |
Atressi'm pren quom fai al iogador,
q’al comensar ioga maistralmen
a petit ioc puois s’escalfa perden,
que'l fai montar tant qu’es en la folor,
aissi mis eu pauc e pauc en la via,
que cuidava amar per maistria
si qu’es pogues partir quant me volgues,
ar soi intraz tant qu’issir non puesc ges.
|
| II | |
| A utra ues fui en la prison damor. Donesca pei mas eramen repen. ab un esgart don i mos cors ses compen. Que fai plazer mo o mal ema dolor. Cun laz mi fes metral col ab quem lia. Don per mon grat ia nom de sliaria. Emais nul hom el mon liatz no(n) es. Quil deslies que ben non li plagues. |
Autra vetz fui en la prison d’amor,
don escapei, mas ora me repren
ab un esgart don'i mon cors ses compen
que'm fai plazer mo oh mal e ma dolor,
qu’un latz mi fetz metr’al colh ab que'm lia,
don per mon grazia no'm desliaria;
e mais nulh hom el mon liatz non es,
qui'l deslies, que ben no li plagues.
|
| III | |
| A nc mais nuil temps no(n) trobien liador. Tan ferm lies ab tan pauc liamen. Quel lia ms fon cortz dun braz soliame(n). Eno(n) trob sai quim desli ni aillor. Enliamatz soitant que sim uolia. Desliamar ges far no(n) opoiria. Ca mors que lai menliamet empres. Menliam a sai plus fort per un tres. |
Anc mais nulh temps non trobei liador tan ferm lies ab tan pauc liamen,
que'l liams fon d’un bratz solamen,
e non trop sai qui'm desli ni aillor.
Enliamatz soi tant que si'm volia
desliamar ges far non o poiria,
q’amors, que lai m’enliamet e'm pres,
m’enliama sai plus fort per un tres.
|
| IV | |
| A lei del fer que uai ses tirador. Ues laima(n) quel tira uau siguen. amors quem sap tirar ses tiramen. Mas tirar ma siuals per la mei llor. Qe sieu dautra meillurar mi sabia. Ta(n)t am lo meills que be meilluraria. Mas mei llular no(n) cre queu men pogies. Ueus per que ma per la meillor oques. |
A lei del fer que vai ses tirador
ves l’amant que'l tirava e siguen,
amors que'm sap tirar ses tiramen,
mas tirar m’a sivals per la meillor,
que si eu d’autra meillurar mi sabia,
tant am lo meills que ben meilluraria,
mas meillurar non cre qu'eu m’en pogues:
ve'us per que m’a per la meillor conques.
|
| V | |
| A gentils cors plus gent formatz de flor. a iatz de mi cal ocom chauzime(n). Queu morp(er) uos den ueie de talen. Epodes o proar ama color. Qe souener entrasu encambia. per que fora al morne cortezia. Sumelitatz me rceian uos prezes. Daquest forfait sofrai tos de totz bes. |
A! gentils cors plus gent formatz de flor, aiatz de mi qualacom chauzimen,
qu'eu mor per vos d’envei’e de talen,
e podetz o proar a ma color,
que so venir entra su en cambia
per que fora almorn’e cortesia
s’humilitatz merceian vos prezes
d’aquest forfait sofraitos de totz bes.
|
| VI | |
| D ieus sal guillim malespina marques. Que oquer pretz epretz ael coques. |
Dieus sal Guillim Malespina marques, que conquer pretz e pretz a el conques.
|
| VII | |
| N abiatritz dest lo bes quen uos es fa meil lurar las autras ab lur bes. |