| I | |
| A Tressim pren con fai al iogator. Cal com(en) ssar ioga maistramen. apetit ios pois ses calfa perden. Quel fai montar tant qu es enla follor. aissi mis eu pauc epauc en la uia. Que cuidaua amar p(er) maistria. Si que(n) pogues partir quant me volgues. ar son intratz tant quissir no(n) puosc ge. |
Atressi-m pren quom fai al iogator,
qu’al comensar ioga maestralmen
a petit iocs puois s’escalfa perden,
que-l fai montar tant qu’es en la folor
aissi-m mis eu pauc e pauc en la via,
que cuidava amar per maistria
si qu’en pogues partir quant me volgues,
ar son intraz tant qu’issir non puosc ges.
|
| II | |
| A utra ues fui en la prison damor. Dones ca pei mas eramen repren. ab un esgart don mos cors ses compen. Que fai plaser mo mal ema dolor. Cun latz mi fes metral col ab quen lia. Don p(er) mon grat ia nom desli aria. Emais nul hom el mon liatz no(n) es. i Quil deslies que ben no(n) li plagues |
Autra vetz fui en la prison d’amor,
don escapei, mas aora m'en repren
ab un esgard don mos cors ses compen
que fai plazer mo mal e ma dolor,
q’un latz me fetz metr’al colh ab que-m lia,
don per mon grat ia no-m desliaria,
e mais nulh hom el mon liatz non es,
i qui-l deslies, que ben non li plagues.
|
| III | |
| A nc mais nul temps no(n) tro biei liador. Tan ferm lies ab tan pauc liamen. Quel liams fon cortz dun bratz solamen. Eno(n) trob sai qu im desli ni aillor. Enliamatz sui tant que sim uolia. Desliamar ges far no(n) opoiria. Camors que lai men liamet empres. Men liama sai plus fort p(er) un tres. |
Anc mais nulh temps non trobei liador
tan ferm lies ab tan pauc liamen,
que-l liams fon cortz d’un bratz solamen,
e non trop sai qui-m desli ni allhor.
Enliamatz sui tant que, si-m volia
desliamar ges far non o poiria,
qu’amors que lai m’enliamet e-m pres,
m’enliama sai plus fort per un tres.
|
| IV | |
| A lei del fer que uai ses tirador. ves laim an quel tira uau siguen. amors quen sap tirar ses tiramen. Mas tirar masiuals p(er) la meillor. Que sieu dautra meillurar mi sab ia. Tant am lo meills que ben meilluraria. Mas meillurar no(n) cre q(ue)n men pogues. veus p(er) que ma p(er) la meillor oques. |
A lei del fer que vai ses tirador vas l’aziman que-l tirava siguen,
amors, que-m sap tirar ses tiramen,
mas tirar m’a sivals per la meillhor,
que si eu d’autra meillhurar mi sabia,
tant am lo meillhs que ben meilluraria,
mas meillurar non cre quen m’en pogues,
ve-us per que m’a per la meillor conques.
|
| V | |
| A gentils cors plus gent formatz de flor. aiatz de mi cal ocom chauzimen. Q(ue)u mor p(er) uos denueie de talen. Epodes o proarama color. Quesouener entrasu encambia. p(er) q(ue) for a al morne cortezia, Sumelitatz merce ian uos prezes. Daquest forfait sofraitos de totz bes. |
Ah! gentils cors plus gent formatz de flor,
aiatz de mi qualacom chauzimen,
qu'eu muor per vos d’envei’e de talen,
e podetz o proar a ma color,
que sovenir entra's e-m cambia,
per que fora almorn’e cortesia
s’umilitatz merceian vos prezes
d’aquest forfait sofraitos de totz bes.
|
| VI | |
| Dieus sal guillem malespina marques. que c(on)quer pretz epretz ael c(on)ques. |
Dieus sa'l Guillem Malespina marques,
que conquer pretz e pretz a el conques.
|
| VII | |
| Nabiatritz dest lo bes quen uos es. fa meill urar las autras ab lur bes. |
Ah Biatritz d’Est, lo bes qu’en vos es
fa meillorar las autras ab lor bes.
|