| Naimerics depiguillan. | Naimerics de piguillan |
| I | |
| A Tressim pren cum fai al iogator. cal comenssar iogab maestramen. a pe titz iacs puois sescalfa p(er)den. Q(ue)l fai mon tar tro qes enlafollor. aissim mis ieu pauc epauc enlauia. Qieu cuidaua a mar ab maestria. si qiem pogues par tir qan mi uolgues. Er sui intrats ta(n)t qissir non puosc ies. |
Atressi·m pren qum fai al iogador, cal comenssar iogar maestralmen a petitz iacs puois s'escalfa perden, Que·l fai montar trop qu'es en la follor, aissi·m mis ieu pauc en la via, Qieu cuidava amar ab maestria si quem pgues partir quan mi volgues, Er sui intraz tant quissir non puosc ies |
| II | |
| Autra uetz fui enlapreison damor. don escampiei mas era mi reten. ab un cor tes engeing tant sotilmen. Qem fai plazer mo mal ema dolor. Cun latz mi fetz metralcor ab qem lia. don p(er)mon grat mais nom des liaria. E nuills al trom que fos liatz non es. quil des lies que ben noli plagues |
Autra vetz fui en la preizon d'amor don escapei, mas ora mi reten ab un cortes engeinh tant sotilmen Que·m fai plazer mo mal e ma dolor qu'un latz mi fetz metr'al cor ab que·m lia don per mon grat no·m desliaria e nulhs altr'om que fos liatz non es qui·l deslies que ben no li plagues |
| III | |
| Anc mais nuill temps non trobiei lia dor. tant ferm lies ab tant pauc liam en. Qel liams fo dun doutz bais sola men. don non trob sai qim desli ni ail lor. Enliamatz sui tant q(ue) sim uolia. desliamar ges far nono poiria. camors q(ue)lai menliamet empres. Menliama sai plus fort p(er)untres. |
Anc mais nuhl temps non trobiei liador tant ferm lies ab tant liamen que·l liams fo d'un douz bais solamen don non trop sai qui·m desli ni alhor Enliamatz sui tant que si·m volia desliamar ges far non o poiria Qu'amors que lai m'enliamet e·m pres m'enliama sai plus fort per un tres |
| IV | |
| Alei defer q(ue)uai ses tirador. vas laziman qel tira uas si gen. amors qem sap ti rar ses tiramen. Mas tirat ma siuals p(er) la meillor. Car si dautra meillurar mi sabia. Tant am lomieills q(ue)bem meil luraria. Mas meillurar non cre que men pogues. veus p(er)que ma part las meillors conques. |
A ley de fer que vai ses tirador vas l'aziman que·l tira vas si gen amors que·m sap tirar ses tiramen mas tirat ma siuvals per la meilhor car si d'autra meilhurar mi sabia tant am lo mielhs que be·m meilhuraria mas meilhurar non cre que m'en pogues ve'us per que m'a part las meilhors conques |
| V | |
| Agentils cors formatz plus gen de flor. aiatz demi calacom chausimen. qieu muor p(er)uos denueia e detalen. Epodetz o proar ama color. Qan uos remir q(ue)is trebailla eis cambia. p(er)q(ue) fora almorna ecortesia. Cumilltatz emerces uos pre ses. daquest chaitiu sofraitos detotz bes |
A! gentils cors formatz plus gen de flor aiatz de mi qualacom chausimen qieu muer per vos d'enveia e de talen E podetz o proar a ma color Quan vos remir que is trebailla e is cambia per que fora almorna e cortesia Qu'humilltatz e merces vos preses d'aquest qu'hai tiu sofraitos de totz bes |
| VI | |
| Bem platz guillems malespina mar ques. Car conquier pretz. epretz a lui conques |
Be-m platz Guillems Malespina marques Quar conquier pretz e pretz a lui conques |