 |
B(ernart).de uentedorn. Quan lo boscatges es flo- ritz. e uei lo te(m)ps reno uelar. e quascus auzels quier sa par. el rossinhol fai chans e critz. dun gran ioy mi creys tals oblitz.que ues res may nom puesc uirar. nueyt e iorn me fai sospirar. sim lassa del cor la razitz. |
 |
Per midons mesiau non iauzitz. don mes lafans greus a portar. quieu perdrai p(er) leys gazanhar. (et) er li crims molt deschauzitz. las que farai cu(m) suj trahitz. si samor nom uol autrej ar. quieu no puesc uiure ses a mar. que damor sui enhenoitz |
 |
Ar suj de leys trop eynernitz. lengua per que potz tan parlar. que de meins me sol acuzar. si quem suj per las dens feritz. que(m) nes si fer sieu suj delitz. ia no trobara li mampar. mas ab dous sentir dun baizar. for ieu tost dest mal resperitz. |
 |
En greu pantays sui feblezit. per lieys […]i beutaz uolc formar. que […]atura poc triar. del mi- elhs es […]s establiz. los flanx grayles […]fitz. sa fatz fresca cum roza par. don mi pot leu. mort reuiuar. dirai cum no suy ta(n)t arditz |
 |
De tal doussor suy replenitz. quan de prop la puesc remirar. qua totz ior(n)s uei lo mi eu sobrar. ta fort suj de samor te chitz. el freys es tals q(ui)en suj mar ritz. quan la vey de mi des lunh ar. quel fuecx que men sol es calfar. fug e reman escoloritz. |