Tu sei qui

Revisione di Edizione diplomatico-interpretativa del Gio, 02/12/2021 - 18:37

I
[d] Ompna puois de mi nous cal. epar- tit ma- uetz de uos.senes totas o- chaios. nonsai on menqeira.Que ia mais.non er p(er)mi tant rics iais. cobratz esi del semblan. non trob do na amon talan.Qem uailla uos qai p(er)duda.ia mais non uuoill a- uer druda.	Dompna puois de mi no·us cal e partit m'avetz de vos senes totas ochaios non sai on m'enqeira que ja mais non er per mi tant rics jais cobratz e si del semblan non trob do·na a mon talan qem vailla vos q'ai perduda ja mais non vuoill aver druda.
II
Puois nous puosc trobar engal. Q(ue) sia tant bella nipros.ni sos rics cors tant ioios. detant bella tieira. ni tant gais.ni sos rics pretz tant uerais.ira p(er)tot agaran.dechascu- na un bel semblan.p(er) far dompna soiseubuda.tro uos me siatz ren duda.	Puois no·us puosc trobar engal que sia tant bella ni pros ni sos rics cors tant joios de tant bella tieira ni tant gais ni sos rics pretz tant verais jra per tot agaran de chascuna un bel semblan per far dompna soiseubuda tro vos me siatz renduda.
III
Fresca color natural.pren bels ce(m) belins de uos.el dolz esgart amoros. efatz gran sobreira.car ren i lais. Qanc res deben nous sofrais. Mi donz dalz deman.Son adreig parlar gaban.Qem don amidonz aiuda. pois non er fada ni muda.	Fresca color natural pren bels cembelins de vos el dolz esgart amoros e fatz gran sobreira car ren i lais q'anc res de ben no·us sofrais midonz dalz deman son adreig parlar gaban qem don a midonz aiuda pois non er fada ni muda.
IV
De chales la uescomtal.Vuoill qe(m)- done adestors.la gola els mans am- dos.pois tenc ma carrieira.nom bi- ais. Ves roca coart meslais.alspels nagnes qem daran.Qiseuz la do(m)p- na tristan.Q(ue) fon p(er)totz mentaugu- da. nols ac tant bels asaubuda.	De chales la vescomtal vuoill qem done ad estors la gola els mans amdos pois tenc ma carrieira nom biais ves roca coart m'eslais als pels n'Agnes qem daran q'Iseuz la dompna Tristan que fon per totz mentauguda nols ac tant bels asaubuda.
V
Naudiartz sibem uol mal.Voill qe(m)- don desas faissos.qeil estai gen lia- zos.ecar es enteira.canc nois frais. s amors nis uols enbiais.amon- mieills deben deman.Son adreich nou cors prezan.de qe par alauegu- da.la fassa bon tener nuda.	N'audiartz si bem vol mal voill qem don de sas faissos qeil estai gen liazos e car es enteira c'anc nois frais s'amors nis vols en biais a monmieills de ben deman son adreich nou cors prezan de qe par a la veguda la fassa bon tener nuda.
VI
Dena faidida atretal. Voill sas bel- las denz endos. las cuillir elgen res- pos. don es presentieira.dinz son ais.Mos bels miraills uoill qe(m) lais. Sa gaieza eson garan.ecar sap son benestan. far don es recono guda.enois camia nismuda.	De na faidida atretal voill sas bellas denz en dos las cuillir el gen respos don es presentieira dinz son ais mos bels miraills voill qem lais sa gaieza e son garan e car sap son benestan far don es reconoguda e nois cam·ia nis muda.
VII
Bels seigner eu nous qier al.mas que fos tant cobeitos.daqestas cu(m) sui de uos. cuna lechadeira. amors nais.don mos cors es tant lecais. Qam mais deuos lo deman.Q(ue)au- tra tener baisan. doncs midonz p(er) qem refuda. pois sap que tant lai uolguda.	Bels seigner eu no·us qier al mas que fos tant cobeitos d'aqestas cum sui de vos c'una lechadeira amors nais don mos cors es tant lecais qam mais de vos lo deman que autra tener baisan doncs midonz per qem refuda pois sap que tant l'ai volguda.
VIII
Papiol mon aziman. Manaras dir enchantan.camors es desconogu da.Sai edaut bas cazuda.	Papiol mon aziman m'anaras dir en chantan c'amors es desconoguda sai e d'aut bas cazuda.