| I | |
| tenso Gui dupsselh bem pesa de uos. uos es layssatz de chantar. e uolgraus y enquer tornar. e c(a) r sabetz dai tals unos. ieu uos deman si deu far engalmen. dona per drut cant lo q(e)r francamen. o elh p(er) lieys tot cant sanh a-. |
Tenso Gui d’Upsselh, be·m pesa de vos vos es layssatz de chantar; e volgra us y enquer tornar e, car sabetz d’aitals unos, ieu vos deman si deu far engalmen dona per drut cant lo qer francamen, o elh per lieys tot cant sanh amor. segon lo dreg q’entendo·l aymador |
| II | |
| Dona na maria tensos e tot chant amor. sego(n)lo dreg q(e)ntendol aymador. cuiaua laysar. Mas eras non o aus mudar. q(e) no(n) chan al uolhc somos. e respo(n) uos bona dona breume(n). q(e) p(er)son drut deu far comunalmen com el p(er) lieys sis garda de ricor. q(e)n dos amicx no(n) deu au maior. |
Dona Na Maria, tensos e tot chant amor cuiava laysar, mas eras non o aus mudar qe non chan al volhc somos. E respon vos bona dona breumen qe per son drut deu far comunalmen com el per lieys si·s garda de ricor, q’en dos amicx non deu au maior. |
| III | |
| Gui tot so do(n) es cobeitos. deu druz ab m ce demandar e dona deu o autreiar. mas be(n) deu esgardar sazos. e drutz deu far e precx e comandame(n)s. co(m)z p(er) ami ga p(er)dona eyssame(n)s. e dona deu far a so drut honor. com ad amic e no(n) co(m)z a senhor. |
Gui, tot so don es cobeitos deu druz ab merce demandar e dona deu o autreiar, mas be·n deu esgardar sazos. E drutz deu far e precx e comandamens comz per amiga, per dona eyssamens, e dona deu far a so drut honor com ad amic, e non comz a senhor. |
| IV | |
| Dona say dizem entre nos q(e) lay o(m) dona uol amar. engalme(n)s deu so(n) drut o(n)rar ca(n)t engalme(n)s son amoros. sis deuen q(e)l am pus finamen dig el fag o deuo far paruen. e sa uas lieys fals cor ni trichador. ab semblan bel deu cobrir sa dolor. |
Dona, say dizem entre nos qe, lay om dona vol amar, engalmens deu son drut onrar cant engalmens son amoros. Si·s deven qe l’am pus finamen dig el fag o devo far parven; e s'a vas lieys fals cor ni trichador, ab semblan bel deu cobrir sa dolor. |
| V | |
| Gui duisselh ges daital respos. no so(n) li drut al come(n)sar a(n)s ditz cascus cant nol preiar. mas iu(n)chas e de ginolhos dona uulhatz q(e)us s(er)ua humilme(n). co(m)z lo uostrom e silh eaisil pre(n). ieu lo iute p(er) dreg a traidor. Sis ret pariers q(e)s det p(er) s(er)uidor. |
Gui d’Uisselh, ges d’aital respos no son li drut al comensar, ans ditz cascus cant no·l preiar mas iunchas e de ginolhos, Dona, vulhatz q’eus serva humilmen comz lo vostr’om; e s’ilh eaisi·l pren, ieu lo iute per dreg a traidor si·s ret pariers, qe·s det per servidor. |