| I | |
| partime(n) de(n) gui dusselh.e de ma G ui duysselh dona na mari(a). bem peza de uos. quar uos etz layssatz de cha(n) tar. e quar uos hi uol gra tornar. e quar sabetz daitals razos. uuelh quem digatz si deu far engalmen. dompna son drut quan loy q(ui)er franchamen. cum elh per lieys tot quan tanh ad a mor. segon los dreytz q(ue) tenon amador. |
Partimen d’En Gui D’Usselh e de madona Na Maria. Gui D’Uysselh be·m peza de vos quar vos etz layssatz de chantar; e quar vos hi volgra tornar e quar sabetz d’aitals razos, vuelh que·m digatz si deu far engalmen dompna son drut, quan lo·y quier franchamen, cum elh per lieys tot quan tanh ad amor, segon los dreytz que tenon amador. |
| II | |
| Dompna na maria tensos. e tot chan cuiaua lays- sar. mas aoras non aus mudar. que non chan al uostre somos. e respon uos ara dompna breu men. que per son drut deu far comunalmen. cum elh per lieys si noy gar da ricor. quen dos a micx non deu auer maior. |
Dompna Na Maria,tensos e tot chan cuiava layssar, mas aoras non aus mudar que non chan al vostre somos. E respon vos ara dompna breumen que per son drut deu far comunalmen cum elh per lieys si no·y garda ricor, qu’en dos amicx non deu aver maior. |
| III | |
| Gui tot so don es cobeytos. deu drutz ab merce demandar. e dom na pot loy comandar. e deu ben pregar a sazos. el drut deu far precx e comandamen. cum per amic e per dompnæissamen. el dona deu far a son drut honor. cum ad amic mas no(n) cu(m) a sen hor. |
Gui, tot so don es cobeytos Deu drutz ab merce demandar e domna pot loy comandar, e deu be·n pregar a sazos. El drut deu far precx e comandamen cum per amic e per dompn’eissamen, e·l dona deu far a son drut honor cum ad amic, mas non cum a senhor. |
| IV | |
| D ompna say dizem entre nos. que lai on dompna uol amar. engalmen deu son drut honrar. plus engalmen son amoros. e sisdeue quilh lam plus finame(n). li dig el fach o deuon far paruen. o sa uas luy fals cor ni trichador. ab belh seinblan deu cobrir la follor. |
Dompna, say dizem entre nos que, lai on dompna vol amar engalmen deu son drut honrar plus engalmen son amoros. E si·s deve qu’ilh l’am plus finamen, li dig e·l fach o devon far parven; o s’a vas luy fals cor ni trichador, ab belh seinblan deu cobrir la follor. |
| V | |
| Gui duysselh ges dai tals razos. noson li drut al co mensar. ans ditz quascus q(ua)n uol preguar. mas ionchas e de ginolhos. dompna uulhatz q(ui)eus serua humilmen. coma uostrom doncx silh enaissil pren. yeu lo iutgi per dreg a trahidor. sis fai pariers es det per seruidor. |
Gui D’Uysselh, ges d’aitals razos no son li drut al comensar, ans ditz quascus quan vol preguar mas ionchas e de ginolhos, dompna vulhatz qu’ieus serva humilmen coma vostr’om; doncx, s’ilh enaissi·l pren, yeu lo iutgi per dreg a trahidor si·s fai pariers, es det per servidor. |
| VI | |
| Dompna ben es plaitz uergo nhos. ad ops de dompna razonar que no(n) tenha selhuy per par.a cuy a fag un cor de dos. o uos duetz e nous estara gen. quel drutz la deu amar plus leyalme(n). o uos diretz que par son entre lor. pus re noy a lo drutz mas per amor. |
Dompna, ben es plaitz vergonhos ad ops de dompna razonar que non tenha selhuy per par a cuy a fag un cor de dos: o vos duetz (e no·us estara gen) que·l drutz la deu amar plus leyalmen, o vos diretz que par son entre lor, pus re no·y a lo drutz mas per amor. |