| 165r | |
 |
Ben auez entendutz los mals qen bertrans de bornremembretz quel reis daragon auia fait. de lui edautrui. Et acap duna grand sazon quel nacapres dautres mals quel auia faitz. si los uolc retraire en un au- tre siruentes.E fon dig an bertran cun ca- uallier auia en aragon que auia nom nes- spaignols. Et auia un bon castel molt fort que auia nom castellot. Et era p(ro)prietat den- espaignol et era en la forteresa de sarazis. Don el fazia grant guerra als sarazis. El reis si entendiamolt enaquel chastel. Eue(n)c un iorn en aquella encontrada.p(er) seruirlo eper enuidarlo al seu chastel. E menet lo charame(n)t lui ab tota soa gent. El reis quant fon dedinz lo ca- stel. lo fetz penre e menar de foras etolc lo lo castel e fon uertatz que cant lo reis uenc al seruizi del rei enric. Lo coms de tolosa fil des- comfis en gascoigna etolc li bencincqua(n)ta caualliers el reis enrics li det tot lauer qeill cauallier deuian pagar per la reenso(n) et el nol paget lauer als caualliers anz lenportet en aragon. Eill cauallier isseron de preison epa geron lauer. Efon uertatz cuns goglars q(ue) auia nom artuset li p(re)stet.cc. marabotis. E menet lo ben un an absi enoillen det denier. Etant uenc un dia artuset ioglars sise mes- let ab un iuzeu eill iuzeu li uengron sobre enasieron artuset malamen lui et un son conpaigno(n). Et artuset et us sos compaigns aucisseron un iuzeu don li iuzeu aneron al rei epregeronlo quel enfezes uendeta eque lor des artus el compaigno(n) per aucire. equill li darian.cc.marabotis. el reis los lor donet amdos epres los.cc.marabotis. eill iuzeu les feiron ardre lo iorn de la nativitat de crist si comdis Guillems de bregada(n) en un seu siruentes dizen en el mal del rei. Efetz una mespreiso(n). Don om <i> nol deu razonar. Qel iorn de la naisio(n). fetz dos crestias brusar. Art(-us) ab autre son par. Eno(n) degra aisi iutgar a mort ni apassion. Dos per un iuzeu fellon. Don us autre que auia nom peireioglars li prestet deniers e cauaus. et aquel peire iogla- rs si auia grans malsditz de la ueilla reina denglaterra. la qualstenia font ebraus. que |
| 165v | |
 |
es una abadia on se rendon totas las ueillas ricas. et ella lo fetz ausire per paraula del rei daragon. etotz aquestz laitz faich reme(n)bret en bertrans de born al rei daragon enaquestsirue(n) tes que dis. Quant vei per vergiers desple- iar. los cendans grocs indis (et) c(er). |