| [Q]uant en Bertrans ac faich lo sirve(n)tes queditz. puois als barons enoia elor |
Quant en Bertrans ac faich lo sirventes que ditz “Puois als barons enoia elor |
| pesa. Et ac dich al rei felip com perdia d(en) ci(n)c ducaz los tres. ede giortz la renda el perchaz. Eco[...] caercins remania en guerra et enba ran er la terra dangolerma. Ecom frances eborgoignon auian cambiat honor p(er) cobe- za. ecom lo reis felips auia anat plaideia(n) earmatz sobre la riba del aiga. Ecom el non auia uolguda la patz cant fon desarmatz. E li tost com el son armatz perdet per uiutat lardimen ela forza. Eque mal semblaua del tor enric loncle de raols del cambrans. Que desarmartz uolc q(ue) la patz si fezes de ra- olsson nebot ab los quatre fils nalbert. Ede pois queson armatz no(n) uol patz ni co(n)cordi. Econ totz reis era aunitz edesonratz pois co- mensaua adautrerei per terra qa qel reis li tolgues. Cant el fazia patz ni treua tro la demanda queil fazia agues co(n)qista ereco- brat so que fos dreitz erasos. Don li autre rei lo tenon desiritat. Eper far uergoingna alz ca(n)panes dels esterlins que foron semenat entre lor. perso qeill uolgues son tornar a la guerra. Tuit li baron de peitieus ede lemo- zin enforon molt alegre. Que molt erent trist de la paz. p(er) so que meins neron onrat ecar tengut per amdos los reis.lo reis richartz sica(r)- guet molt dorgoill da questa patz. Ecomen- set far tortz edesinesuras en la terras del rei de frasa. Que marcauon ab las terras den richart. El reis felips uenia areclam ad ai- cels que auian faita la patz entre lor dos. En richartz no uolia per lor tort ni dreg far. Don fon ordenatz per lor uns parlame(n)s on foron ensems en la marcha de torena ede beiriu. El reis felips si fetz mains reclams den richart. Don amdui uengron agrans paraulas et amalas. Si qen richart lo desme(n)- ti el clamet uil recrezen esis dessieron esis partiron mal. Ecant Bertrans de born auzi queil eront mal partit sifo molt alegres. Et aisso fon el temps al comensame(n)t destiu. Don Bertrans fetz aquest siruentes que nos aras auziretz. Al doutz termini blanc. del pascor uez la estat. Et en aquel sirve(n)tes el pois fort lo rei felip. Quel degues comensar la gue(r)ra ab lo rei richart. afuoc et asanc . Edis quell reis felips uolia mais patz cuns morgues. En richart ab cui el sapellaua oc enon uolia mais guerra que negus dels algais. Queron qatre fraire gran raubaudor eraubaue(n) eme |
pesa” et ac dich al rei Felip com perdia den cinc ducaz los tres e de Giortz la renda el perchaz e co[...] Caercins remania en guerra et en baran er la terra d’Angolerma, e com Frances e Borgoignon avian cambiat honor per cobeza, e com lo reis Felips avia anat plaideian e armatz sobre la riba de l’aiga e com el non avia volguda la patz cant fon desarmatz, e li tost com el son armatz perdet per viutat l’ardimen e la forza e que mal semblava del tor Enric l’oncle de Raols del Cambrans, que desarmartz volc que la patz si fezes de raolsson nebot ab los quatre fils N’Albert e de pois que son armatz non vol patz ni concordi, e con totz reis era aunitz e desonratz pois comensava ad autre rei per terra qa qel reis li tolgues cant el fazia patz ni treua tro la demanda queil fazia agues conqista e recobrat so que fos dreitz e rasos, don li autre rei lo tenon desiritat e per far vergoingna alz Canpanes dels Esterlins que foron semenat entre lor, per so qeill volgues son tornar a la guerra. Tuit li baron de Peitieus e de Lemozin en foron molt alegre, que molt erent trist de la paz per so que meins n’eron onrat e car tengut per amdos los reis. Lo reis Richartz si carguet molt d’orgoill da questa patz e comenset far tortz e desinesuras en la terras del rei de Frasa, que marcavon ab las terras d’En Richart. El reis Felips uenia areclam a d’aicels que avian faita la patz entre lor dos, En richartz no volia per lor tort ni dreg far. Don fon ordenatz per lor uns parlamens on foron ensems en la marcha de Torena e de Beiriu. El reis Felips si fetz mains reclams D’En Richar, don amdui vengron a grans paraulas et a malas, si q’En Richart lo desmenti el clamet vil recrezen. E sis dessieron e sis partiron mal. E cant Bertrans de Born auzi que il eront mal partit, si fo molt alegres, et aisso fon el temps al comensament destiu. Don Bertrans fetz aquest sirventes que nos aras auziretz: “Al doutz termini blanc. del pascor uez la estat” et en aquel sirventes el pois fort lo rei Felip, quel degues comensar la guerra ab lo rei Richart a fuoc et a sanc, e dis quell reis Felips volia mais patz c’uns morgues. En Richart, ab cui el s’apellava Oc- e-No, volia mais guerra que negus dels Algais, qu’eron qatre fraire gran raubaudor e raubaven e me |
| nauen ben ab lor mil raubadors acaualeben doa milia ape. Eno uiuion dautra rend [...]nida- utre perchatz. |
naven ben, ab lor mil raubadors a caval eben doa milia a pe e no vivion d’autra rend [...]ni d’autre perchatz. |