| aquesta es la razos daquest siruentes. En la sazos quel reis ioues ac faita la patz Ab son fraire richart eil ac fenida la dema(n)- da queil fazia de la terra si com fo la uolu(n)- tat del rei enric lor paire el paire li daua ce(r)ta liurazon de deniers per uianda eper so que be- soigns lera. eneguna terra no(n) tenia ni posse- zia. ni negus hom alui no uenia per mante- nemen ni per secors de guerra. en bertrans de born etuit li autre baro(n) quel auian mante(n)- gut contra(n) richart foron molt dolen el reis ioues si sen anet en lombardia torneiar eso- lasar. elaisset totz aquestz baros en la gerra ab enrichart. enrichart asega borcs echast- els. epres terras ederroca et ars et abrasa el reis ioues si torniaua edormia esolazaua. don enbertrans sifetz aqest siruentes q(ue) co- mensa. Dun siruentes nom cal far loin- gnor (et)c. |
Aquesta es la razos daquest sirventes. En la sazos quel reis Ioves ac faita la patz ab son fraire Richart e·il ac fenida la demanda que il fazia de la terra si com fo la voluntat del rei Enric, lor paire; el paire li dava certa liurazon de deniers per vianda e per so que besoigns l’era e neguna terra non tenia ni possezia, ni negus hom a lui no venia per mantenemen ni per secors de guerra. En Bertrans de Born e tuit li autre baron quel l’avian mantengut contran Richart foron molt dolen. El reis Ioves si s’en anet en Lombardia torneiar e solasar e laisset totz aquestz baros en la guerra ab en Richart. En Richart asega borcs e chastels e pres terras e derroca et ars et abrasa. E·l reis Ioues si torniava e dormia e solazava. Don en Bertrans si fetz aquest sirventes que comensa: D’un sirventes no·m cal far loingnor etc. |