| 181v | |
 |
aquesta es la razos daquest siruentes. En la sazos quel reis ioues ac faita la patz ab son fraire richart eil ac fenida la dema(n)da queil fazia de la terra. si com fo la uolu(n)tat del rei enric lor paire. el paire li daua certa liura zon de deniers p(er) uianda ep(er) so que besoig(n)s lera. eneguna terra no(n) tenia ni possezia. ni negus hom alui no uenia p(er) ma(n)teneme(n) ni p(er) secors de guerra. Enbertra(n)s de born etuit li autre baro(n) quell auian mantengut contra(n) richart foro(n) mlt dolen el reis ioues si sena net en lombardia torne iar esolasar. elaisset totz aquestz baros en la guer- ra ab enrichart. Enrichart asega borcs echaste ls. epres terras ederroca et ars et abrassa. el reis ioues su torniaua edormia esolazaua. don enber- trans si fetz aquest sirue(n)tes q(ue) come(n)ssa. du(n) siruentes nom cal far longor (et)c. |