| Naimerics de piguillan. | |
| I | |
| L J fol eill put eill fillol. Creison trop e no(n) es bel. Eill croi iuglaret nouel eno ios emalparlan. Corron un pauc trop enan. E sonia li mordeor. per un de nos dui deslor. Enon es qui los nesquerna. |
Li fol e·ill put e·ill fillol creison trop, e non es bel, e·ill croi juglaret novel enojos e mal parlan corron un pauc trop enan; e son ja li mordeor per un de nos dui des lor, e non es qui los n'esquerna. |
| II | |
| G reuer car hom lur acol. Eno(n) lur enfa re uel. Non odic contral sordel. Quel no(n) es daita(n) semblan. Ni nos ua ges percassan. Si col caual lier doctor. mas quant faillol p(re)stador. No(n) pot far v. nils sincs terna. |
Greu er car hom lur a col e non lur en fa revel. Non o dic contra·l Sordel, qu'el non es d'aitan semblan ni no·s va ges percassan si co·l cavallier doctor, mas quant faillo·l prestador, non pot far .v. ni·ls sincs terna. |
| III | |
| L o marques part pinarol. Que ten salus ere uel. No(n) uoill ges que desclauel. De sa cort ni an longnan. persaual que saup denfan esser maistrador. Ni un autre tirator. Queu no(n) uo ill dir de luserna. |
Lo marques part Pinarol, que ten Salus e Revel, non voill ges que descavel de sa cort ni an longnan Persaval, que saup d'enfan esser maistrador, ni un autre tirator, qu'eu non voill dir, de Luserna. |
| IV | |
| A itals los a comlos uol. le marques de chan tarel. Nicolet el trufarel. Que uenon ablui euan. Eno(n) del tot perlur dan. Ben son trobat dun color. Aitals uasals tal seignor. Dieus lur don uita eterna. |
Aitals los a com los vol le marques d'E Chantarel, Nicolet e·l Trufarel que venon ab lui e van e non del tot per lur dan. Ben son trobat d'un color: aitals vasals tal seignor! Dieus lur don vita eterna. |
| V | |
| A r ueires uenir lestol. Ves malespinel tro pel. Don an la carn elapel. Et ades onpietz lur fan. Eme(n)z de merce lur an. Trop son li combatedor. Epauc li deffendedor. mortz son si dieus nols gouerna |
Ar veires venir l'estol, ves Malespin'el tropel, don an la carn e la pel, et ades on pietz lur fan e menz de merce lur an, trop son li combatedor e pauc li deffendedor: mortz son si Dieus no·ls governa. |
| VI | |
| E stampidas errimor. Sai quen faran entre lor- menassan en la tauerna. |
Estampidas errimor sai que·n faran entre lor, menassan en la taverna. |