 |
Atressim pren pegulhan. quom fai al ioguador. q(ua)l comensar iogua mayes trilmen. a petitz iuecs pueis sescalfa perden. quel fai montar tan que sen la fol hor. aissim mis ieu pauc e pauc en la uia. que cuiaua amar ab mayestria. si quen pogues partir quan me volgues. on sui intraz tan quissir non puesc ges. Autrauetz fui en la preizon da mor. don escapei mas aoram repre(n). ab un cortes engienh tan sotilmen(t). quem fa plazer momal e ma dolor. qun latz me fetz entrel colh ab quem lia. don per mon grat mai nom desliaria. e nulhs autrom q(ue) fos liatz non es. quil deslies q(ue) be non li plagues. Anc mais nulh temps no trobei liador. tan ferm lies ab tan pauc liamen. quel liams fo dun dous bays solamen. don non truep sai qui desli ni alhor. enliamatz sui tan que sim uolia. desliamar ges far non o poiria. quamors quel liamen em pres. menliama sai plus fort per un tres.
|
 |
Aley del fer que ua ses tirador. uas laziman quel tira uas si gen a mors quem sap tirar ses tirame(n). mas tirar ma seuals per la melhor. quar si dautra melhuirar me sa bia. tant am lo mielhs q(ue) bem melhuiraria. mas melhuirar no cre que men pogues. ueus p(er) que ma part las melhors conq(ue)s. Na gentil cors format plo gen que flors. aiatz de me qualacom chauzimen. quar muer per uos denuey e de talen. e podetz o proar a ma color. quan uos remir ques trasua es cambia. per que fora al morn e cortezia. qumilitatz mer ceyan uos prezes. da quest cochat sofrachos de totz bes. B em platz guillem mal espi nal marques. quar conq(ue)r pretz e pretz a lieys conques. Na beatritz de lo ben quen uos es. tan melhoirar las autras ab lors bes aymerics de pegul |