 |
A tresim pren com fai al ioguador. cal comensar iogua maistralmen. apetitz iuecx pueis sescalfa perden. quel fai montar tro ques enlafolia. aisim mis ieu pauc epauc enlauia. quieu cuiaua a mar abmaestria. si quen pogues partir quan mi volgues. on soi intratz tan quei sir non puesc ges. A utrauetz fui enla preizon damor. don escapei mas auram repren. abun cortesen genh tan sotilmen. q(ue)m fai plazer mon mal ema dolor. cun latz mi fes metrel col abquem lia. don permon grat mais n om desliaria. enuils autrom que fos liatz non es. quil deslies que ben nonli plagues. Anc mais nuill tems no trobei liador. tam ferm lies abtan pauc liamen. quel li ams fo dun bais solamen. don no truep sai quim desli ni aillor. enliamatz soi tan que sim uolia. desliamar ges far non ho poiria. camors quel liament ha pres. men liama sai plus fort perun tres |
 |
Alei delfer que uai ses tirador. ues lazima(n) quel tira uai seguen. amor q(ue)m sap tirar ses tiramen. mas tirat ma siuals per lage(n)sor. quar si dautra meillurar me sabia. tant am lo mieils que bem meilluiaria. mas meillur non cre que men pogues. ueus perque ma part las meillors conques. Na gentil cors format plus gent de flor. aiatz demi calacom chauzimen. quar mu er per uos denuei ede talen. epodetz ho pr oar ama color. quan uos remir que tras uai es cambia. perque fora grans cortezia. cumelitat merceian uos prezes. daquest coi tat sofraitos detotz bes. Bem platz guilem malespinal marques. quar conquer pretz epretz ha lui conques. Nabiatritz daquest ben quenuos es. faitz meillurar las autras ablur bes. aimeric
|