| Arnat Daniel En cest sonet cond e leri Faç moç e capus e doli E seran verai e cert Can n'aurai passat la lima C'amors marves plan' e daura Mon cantar que de lei muo Cui prez manten e governa. |
|
| Edes meillor et esmeri Car la gençor servi e coli Del mon çous dic en apert Seus so del pe tro e quel cima E si tot venta.l freid'aura L'amors que dal cor mi muo Mi te caut o plus iverna. |
|
| Can l'am de cor e la queri C'ap trop voler cuit la.m toli S'om re per ben amar pert Qu'els sis cors sobre trascima Lo meus toç e no s'essaura Tan a de ver fait renuo C'obrador a e taverna. |
|
| Mil messas n'aug e.n proferi E en faz lum de cer'e d'oli Que deus m'en do bon es cert De lei que.m venç sez escrima Can remir sa crin saura E son blanc cors frecs e nuo Mais l'am qui que.m des lucerna. |
|
| Ges per mal trait que.n soferi De ben amar no.m destoli C'aissi.n faç los moz e.l rima Peiç trac aman qu'om qui laura C'anc plus non amet un uo Cel de mon cli no dierna |
|
| No vuoil de Roma l'emperi Ni c'om me.n faç apostoli Qu'en lei non aia revert Per cui m'art lo cors e.n rima E si midonz no.m restaura L'amor qui dal cor m'esmuo Mi auci e si enferna.Eo so n' Arnauz c'amas l'aura E caz la lebr'ab lo buo E nadi contra suberna. |