 |
| Naimerig de pegugnan. [a] issi com larbres qe per sobre cargar. Frain se me teis (et) perd son fruit (et) se. Ai eu perdut ma bella do(m)na (et) me. E mon enter se fraing per sobr amar. Pero se tot me son apoderatz. Anc iorn no(n) fi mon dan ad esien. Mais ar conosc qe trop sobral foldaz. |
 |
| [e] non es ben qom sia tot asennaz. Qe a sazon non sega son ta len. E se noia de qascun mesclamen. No(n) es bona sola luna mitaz. Qar ben deuen hom per sobre saber. Nesis en uai ma(n) tas uez foleian. Perqe seschai com aia en loc mesclan. Sens ab foldaz qil sab gen retener. |
 |
| [l] as qeu non ai mi meteis en poder. Ans uau mon mal enqeren e cercan. E uail trop mais perdre e far mon dan mon pro. E qe sauis ab qesta folor. Pero alei de fin fol ama dor. Manes ades on peg mi fa plus bo(n). |
 |
| [n] on fai nul hoc per qeu uostre no(n). Pero souen tornon mei ris en plor. Et eu com fol ai gaus de ma dolore. Ede ma mort qan mir uostra faison. Col basalesc qal ioie sanet a acire. Qant el mirail se remireg es ui tot autressi es uos mirail a mi. Qe mauciez qan uos uei neus remir. |
 |
| [e] nous en cal qan mi uedez morir. Abanz o fai de mi tot en aisi. Com del enfant qab un maraboiti. Fai hom del plor laissar (et) departit. E pois qant es tornaz en allegrer. E hom lestrai so qel donet el toill. Et el adonc plora (et) fai maior doill. Mil aitant plus qe non fes de primer. |
 |
| [r] es castellan ges uostre pres non cal. De mellurar qui uol pro mais qe er. |