 |
Naimerics de piguillan.
S j con lalbres qe per sobre cargar. Fraing si mezeis epert son frug ese. Ai perduda ma bella do(m)ne me. Emon entier sen frag per sobra mar. Pero si tot men soi apoderatz. Anc iorn no(n) fi mon dan ab ensien. Anz en cug far tor so q(u)i fas absen. Mas er conosc que trop sobral foudaz. E non es bon com siatrop senatz. Que asason non siega son talen. Esi no(n)ia de chascu(n) mescla men. No(n) es bona sola luna mitatz. Car ben de uen hom per sobre saber. Nesis enuai maintas ues folleian. Per qe ses chai com an enlocs me sclan. Sen abfoudat quil sap gen retener. L as queu no(n) ai mi mezeis empoder. Anz uau mo(n) mal enqueren esercan. Et eu uoill mais perdre efair mo(n) dan. Ab uos domna cab autra conquerrer. Cades cug far ab aquest dan mo(n) pro. Eque fauis ab questa follor. Pero allei d(e) fol fin amador. Muetz totz temps on pietz mi faitz plus bon. N on fai nuil hoc per queu des uostre no(n). P(er)o souen torna mo(n)s ris emplor. Et eu com fols ai gaug de madolor. Ede ma mort qa(n)t mir uostra faison. Col basalesc cab ioi sanet ausir. Qant el mirail se remiret esui. Tot eissame(n) es uos mirail ami. Que mausi es qan uos o uei nius remir. E nous en cal qan nu uezes morir. Abanz o faitz de mi tot enaisi. Com de len fan cab un marabutui. Fal hom de plor laissar ede partir. Epuois qant es tornatz enalegrier. Et hom lestrai so quel donet el tol. Et el adoncs plo re fai maior dol. Dos ai tanz plus qe no(n) fez de premier. T iriaca ges uostre no(n) col. De meillurar cu ei ual mais que ier. |