 Naimerig de pegugnan m Antas uetz soi enquiriç. Si cortz cossi uerç no(n) faz. per qieu uueill si appellaz. Esi allor lo çausiç. Chan- sons o uers a qest çanç. E respond als demandanz. Com noi troba ni sab diuision. Mas sol nom entreuers e chançon.  q i eu ai motz mascles auçiç. En chansonettas assaz. Emotz feminis pausaz. En uersetz bos egraçiz. E cortz sonez e chaçanz. Ai auçuç'en uerseç manz. Et auçida chansoner ab lonc son. Elmotz damb dos dun gran el chan dun ton.  e si eu (en) soi desmentiz. Qaissi non sia uertaz. Non er hom per  q ar es de son log partiz. Donneis qi ia fu presaz. mi soi alqes desuiaz. De ioi tan ne stau marriz. Qentrel marriz els amanz Se mes un pales enianz. Qeuianan lu(n)s lautre cre far son pron. E noi garda te(m)ps ni per qe ni con.  q eis ui anç qel fos faidiz. Seus fos per amor donaz. Us cordos qa dreitz solaz. Nis sira e corç e couiz. per qem par qe dur dos tanç. Us mes non façi un anz. Qan regnaua donneis ses traiçon. Grieu es qi ne con es esab con fon.  e non es tan relinquiz. Si tot me sui desamaz. Qieu no(n) sia enamoraz. De tal qe cima (et) raiz. De preç tan qa mi es danz. Puis la ualors el semblanz. Son assemblat en tan bella faison. Com noi pot neis pensar meillur raison.   a bel cors cars gen noiriz. Adreitz e ben faisonaz. Ço qi eus uueil dir deuinaz. Qi eu non soi ges tan ardiz. Qi eus prec qe mames ab anç. Uos clam merce merceianç. Suffrez qeus am e nous quier autre don.  u es mala spina ten çanç. Al pro guillelm qes presaz. Qel apren- da de te los moç el son. Qalqes uuilla per uers o per çançon. |