Tu sei qui

Edizione diplomatica-interpretativa

Schede primarie

	I
A chantar mer daiso q(ue)u no(n) uolria. Tant me rancur de lui cui sui amia. Qar eu lam mais de nuilla ren que sia. ves lui nom ual m(er)ces ni cortesia. Ne ma beutatz ni mos pretz ni mos sens. Quatressi sui enganada etraida. Cu(m) degra esser sim fos desauine(n)z.	A chantar m’er dai so qu’(e)u no(n) volria tant me rancur de lui cui sui amia qar eu l’am mais de nuilla ren que sia ves lui no ·m val m(er)ces ni cortesia ne ma beutatz ni mos pretz ni mos sens qu’autressi sui enganada e traida c’u(m) degra esser si ·m fos desavine(n)z
	II
Daisom conort qar anc n(on) fis faille(n)sa. am ics uas uos p(er) nuilla captene(n)sa. anc uos am mais n(on) fes seguis ualensa. Eplatz me mot q(ue)u damor uos uensa. lo mieus amics. Car es lo plus ualenz. Mi faitz orgoill en dit et en parue(n)sa. Esi ses francs ues totas autras genz.	D’aiso ·m conort car anc n(on) fis faille(n)sa amics vas vos p(er) nuilla captene(n)sa anc vos am mais n(on) fes Seguis Valensa e platz me mot q(u’e)u d’amor vos vensa lo mieus amics car es lo plus valenz mi faitz orgoill en dit et parve(n)sa e si ses francs ves totas autras genz
	III
Merauill me con uostre cors sorgoilla. Am ics ues me p(er) cai raison q(ue)m duoilla. No(n) es ges dregs quautramors uos me tuoilla. P(er) nuilla ren queus diga nios accuoilla. Eme(n) bre uos cals fol come(n)sam(en)s. De nostramor ia Damerdieus no(n) uoilla. Q(e)n mas colpas sial departime(n)z.	Meravill me con vostre cors s’orgoilla amics ves me p(er) c’ai raison que ·m duoilla no(n) es ges dregs qu’autr’amors vos me tuoilla p(er) nuilla ren que ·us diga ni ·os accuoilla e me(n)bre vos cals fo ·l come(n)sam(en)s de nostr’amor ia Damerdieus non voilla q’(e)n mas colpas sia ·l departime(n)z
	IV
Proessa grans q(e)n uostre cors saizina. Elor rics pretz quauez men ataina. Cuna n(on) sai lontana. ni uesina. si uol amar ues uos n(on) sia clina. Mas uos amics es ben tan conoi ssenz. Que ben deuez conoisser la plus fina. emenbre uos de nostres couinenz.	Proessa grans q’(e)n vostre cors s’aizina e lor rics pretz qu’avez m’en ataina c’una n(on) sai lontana ni vesina si vol amar ves vos n(on) si’aclina mas vos amics es ben tan conoissenz que ben devez conoisser la plus fina. e menbre vos de nostres covinenz
	V
Valer me deu mos p(re)tz emos parages. E ma be utatz e plus mos fis coratges. p(er) q(eu)us mand lai on es uostre estages. Esta chanson que me sia messages. Euoill saber lo mieus bels amics genz. p(er) que me ses tant fer ni ta(n)t sal uages. No(n) sai si fos orgoillz ni mals talenz.	Valer me deu mos p(re)tz e mos parages e ma beutatz e plus mos fins coratges p(er) q’(eu) ·us mand lai on es vostre estages esta chanson que me sia messages e voill saber lo mieus bels amics genz p(er) que me ses tant fer ni ta(n)t salvages no(n) sai si fos orgoillz ni mals talenz
	VI
Mais aitan uoill plus diga lo messages. Q(ue)n trop dorgoill an grandan mai(n)tas vez.	Mas aitan voill plus diga lo messages q(u)’(e)n trop d’orgoill an gran dan mai(n)tas vez