| I | |
| Ben uuelh que sapchon li pluzor. dest uers sis de bona color. quieu ai trag de mon obrador. quieu port dayselh mestier la flor. (et) es uertatz. e puesc en trair lo uers auctor. quant er lassatz. |
|
| II | |
| Ieu conosc ben sen e folhor. e co- nosc anta (et) honor. (et) ai ardimen e paor. e sim partetz un iuec da- mor. no suy tan fatz. non sapcha triar lo melhor. entrels maluatz. |
|
| III | |
| Ieu conosc ben selh qui bem di. e selh quim uol mal atressi. e co- nosc ben selhuy q(ui)m ri. e selhs q(ui) sazauton de mi. conosc assatz. q(ua) tressi dey uoler lor fi. e lor solatz. |
|
| IV | |
| Mas ben aya selh q(ui)m noyri. que tan bo mestier meschari. q(ue) anc a negu non falhi. que de iogar sobre coyssi. atotz tocatz. mais en say que nulh mo uezi. qual quem ueiatz. |
|
| V | |
| Dieus en lau e sanh iolia. tant ai apres del iuec doussa. q(ue) sobre totz nay bona ma. e selh q(ui) cosselh mi querra. no(n) ler uedatz. ni un de mi non tornara. descossellatz. |
|
| VI | |
| Quieu ai mo maiestre certa. ia mamigua nueg nom aura. que nom uuelha uer lendema. quieu suy daquest mestier som ua. tan en senhatz. que ben sai guazanha\r/ mon pa. en totz mercatz. |
|
| VII | |
| Pero nom auzetz tan guabier. quieu non fos rahuzatz lautrier. que iogaua un ioc grossier. que(m) fon trop bos el cap primier. tro fuy taulatz. quem guardiey no\m/ ac plus mestier. sim fon camjatz. |
|
| VIII | |
| Mas elham dis un reprouier. don uostres datz son menudier. (et) ieu reuit uos a doblier. dis ieu q(ui)m daua mon peslier. non er laissatz. e leuiey un pauc son taulier. ab ams mos bratz. |
|
| IX | |
| E quan laic leuat lo taulier. empys los datz. el duy foron. cairauallier. el terz plombatz. |
|
| X | |
| E fils ben ferir al taulier. e fo\s/ ioguatz. |