| I | |
| Ab la douzor del temps nouel. fueillon li bosc e li [auzel. chanton chascus en lor lati segon lo temps del [nouel cham. adoncs estai ben. qon saizi de zo don hom a plus [talan |
Ab la douzor del temps novel fueillon li bosc e li auzel chanton chascus en lor lati segon lo temps del novel cham; adoncs esta ben q'on s'aizi de zo don hom a plus talan. |
| II | |
| De lai don plus mer bon e bel. nom ue messatgers
[ni sagel.
don mos cors non dorm ni non ri. e nomen auz
[traire. ena(n) tro qe sapcha ben de la fï. sel es aissi con ieu deman. |
De lai don plus m'er bon e bel no·m ve messatgers ni sagel, don mos cors non dorm ni non ri e no·m en auz traire enan, tro qe sapcha ben de la fï, s'el es aissi con ieu deman. |
| III | |
|
La nostramor. uai e naissi con la branca delalbrespi [qestai
sobre larbre tremblan. la noig a la ploie al giel tro [lendema(n)
qel sol sespan. p(er) la fueilla uert enl ramel. |
La nostr'amor vai enaissi con la branca de l'albrespi q'estai sobre l'arbre tremblan la noig a la ploi'e al giel, tro l'endeman q'el sol s'espan per la fueilla vert en·l ramel. |
| IV | |
| Anqar mi membra dun mati qe nos feiron de [guerrafi. qem donet un don tan gran. sa drudarie son anel [anqar mi lais dieus uiure tan. qaia mai manz sotz son [mantel. |
Anqar mi membra d'un mati qe nos feiron de guerra fi e qe·m donet un don tan gran: sa drudari e son anel; anqar mi lais Dieus viure tan q'aia mai manz sotz son mantel. |
| V | |
| Qieu non hai soing destraing. lati qe me part
[damo(n) bo(n) uezi
qeu sai de paraulas con uan. ab un sermo(n) brieu
[qi espel qatal seuan damor gaban. nos nauem la pessel coutel. |
Q'ieu non hai soing d'estraing lati qe me part da mon bon vezi, q'eu sai de paraulas con van ab un sermon brieu qi espel
q'atal se van d'amor gaban, nos n'avem la pess'e·l coutel.
|