| I | Ja nus hons pris ne dira sa raison, | |
| adroitement, s'ensi com dolans non; | ||
| mais par esfort puet il faire chançon. | ||
| Mout ai d'amis, mais povre sont li don; | ||
| 5 | honte y auront se, por ma reançon, | |
| sui ça deus yvers pris. | ||
| II | ynglois, normant, poitevin et gascon, | |
| que je n'avoie si povre compaignon | ||
| 10 | que je lessaisse, por avoir, en prison. | |
| Je nel di mie por nulle retraçon, | ||
| mes encor sui je pris. | ||
| III | Or sai je bien de voir certeinnement | |
| que mors ne pris n'a ami ne parent, | ||
| 15 | quant on me faut por or ne por argent. | |
| Mout m'est de moi mes plus m'est de ma gent, | ||
| qu'apres ma mort auront reprochement, | ||
| se longuement sui pris. | ||
| IV | N'est pas mervoille se j'ai le cuer dolent, | |
| 20 | quant mes sires met ma terre en torment. | |
| S'il li membrast de nostre soirement | ||
| que nos feimes andui communement, | ||
| bien sai de voir que ja trop longuement | ||
| ne seroie ça pris. | ||
| V | 25 | Ce sevent bien angevin et torain, |
| cil bacheler qui or sont riche et sain, | ||
| qu'encombrez sui loing d'aus en autrui main. | ||
| Forment m'aidassent, mais il n'envoient grain. | ||
| De belles armes sont ores vuit li plain, | ||
| 30 | por ce que je sui pris. | |
| VI | Mes compaignons, que j'amoie et que j'ain, | |
| ces de Chaeu e ces de Percherain, | ||
| di lor, Chançon, q'il ne sont pas certain, | ||
| c'onques vers aus ne oi faus cuer ne vain; | ||
| 35 | s'il me guerroient il feront que vilain, | |
| tant com je serai pris. | ||
| VII | Contesse suer vostre pris soverain | |
| vos saut et gart cil a cui je me clain | ||
| et por cui je sui pris. | ||
| VIII | 40 | Je nel di pas a cele de Chartain, |
| la mere Loeys. | ||