[f. 8ra]
 |
coms de peitieus. P us de chantar mes pres talens. faray .I. uers do(n) soy dole(n)s. no(n) seray mays obedie(n)s. e(n) peytaus ni e(n) lemozi. Aysi laysi so camar suelh. caualaria (et) erguelh. Ede drap de color me tuelh. ebel caussar e sembeli. Lo de- partir mes ayta(n) gr\i/eus. del senhoratie de peytieus. e(n) garda laisel coms dangues. la t(er)ra (et) a so(n) cozi. Sil pros coms dangieu nol socor. el bo(n) rey de cuy tenc honor. guerre garla(n) siey sordeior. Ca(n) lo ueyra(n) ioue fray. Eras me(n) uau ieu e(n) essilh. e(n) guerra lay- saray mo filh. e(n) guerra et e(n) gra(n) p(er)ilh guerreyara(n) tutz siey uezi. Merce cla(m) a mo(n) companho(n). sanc li fi tort q(ue)l me p(er)do(n). (et) ieu prec ne ih(esu)s del tro(n). e(n) roma(n)s (et) e(n) mo(n) lati. Totz mos amicx prec ca- lamort. Sian de miemoro(n) fort. Q(ui)eu ay auut ioy e deport. el lu- enh e pres del mo(n) aysi. De proesa e dardim(en). soy auut may lau- me(n) parte(n). (et) ieu aseluy yraymen. O(n) totz peccadors pe(n)ran fi. |