| En chantant uueil. ma dolour descouurir q(ue) perdu. ai larienz. q(ue) plus amoie laz si ne sai que puisse deuenir que ma mors est ce dont ies poire ioie. si mestoura atel do lour languir. quant ie ne p(uis) ne ueoir. ne oir. la bele rienz a qui ie matendoie. |
En chantant vueil ma dolour descouvrir, que perdu ai la rienz que plus amoie, laz si ne sai que puisse devenir, que ma mors est ce dont i'espoire ioie, si m'estovra a tel dolor languir, quant ie ne puis ne veoir ne oir, la bele rienz a qui ie m'atendoie. |
| Quant men souuient. grief. me(n) sont li soupir. (et)cest touz iorz ne ia nen recrorroie. pour li me steut. maintes genz obeir. que ie ne sai. se nus ua cele uoie mes se nus ueut abonne am(our) uenir. pour b(ie)n amer (et) loiau ment seruir. ie sai deuoir q(ue)n cor en aurai ioie. |
Quant m'en souvient, grief m'en sont li soupir, et cest touz iorz ne ia n'en recrorroie, pour li m'esteut manintes genz obeir, que ie ne sai se nus va cele voie, mes se nus veut a bonne amour venir, pour bien amer et loiaument servir, ie sai de voir qu'encor en aurai ioie. |
| Mi chant. sont tuit. plain di- re (et) de dolour. pour uous da- me. qui iai lonc tanz amee. q(ue) iene sai. se ie chant. ou ie plour ainsi mestueut. souffrir ma de- stinee. mes se dieu plest e(n)cor uendra le iour. quamours se- rachangiee en autre tour si u(ous) donra uers moi meillor pen see. |
Mi chant sont tuit plain d'ire et de dolour, pour vous dame, qui j'ai long tanz amee, que ie ne sai se ie chant ou ie plour ainsi m'estuet souffrir ma destinee, mes se dieu plest, encor vendra le iour, qu'amours sera changiee en autre tour, si vous donra vers moi meillor pensee. |
| Souuiegne u(ous) dame de bonne amour. q(ue) loiautene u(ous) ait ou- bliee. queie me fi tant en uo(st)re uouloir. quades mest uiz q(ue)m(er)ci ai trouuee. (et) ne porq(ua)nt ie muir (et) nuit (et) iour. or uous doint die(us) pour oster ma dolour. q(ue) p(ar) uous soit mire reconfortee. |
Souviegne vous dame de bonne amour, que loiaute ne vous ait oubliee, que ie me fi tant en vostre vouloir, qu'ades m'est viz que merci ai trouvee et nepor quant ie muir et nuit et iour, or vous doint dieus, pour oster ma dolour, que par vous soit m'ire reconfortee. |
| Dame b(ie)n uueil. que uous sa chiez de uoir. conques p(ar)moi ne fu mes dame amee. e ia de u(ous) ne me quier mes mouuoir mon cuer iest(et) mentente ator nee. ie nai mest(ier) dame de dece- uoir. que de tel mal ne me sueil pas doloir. ne me fuies douce dame alentree. |
Dame bien vueil que vous sachiez de voir, c'onques par moi ne fu mes dame amee, e ia de vous ne me quies mes mouvoir. Mon cuer i est et m'entente atornee, i'e n'ai mestier dame de decevoir que de tel mal ne me sueil pas doloir, ne me fuies, douce dame, a l'entree. |
| Chanson uaten garde ne re manoir. prie a celi. qui plus ya pooir q(ue) tu soies. souuie(n)t p(ar) li chantee. |
Chanson va, t'en garde ne remanoir, prie a celi qui plus i a pooir, que tu soies souvent par li chantee. |