| En chantant ueil ma doulor desco urir quant perdu ai ce que plus desirroie. las si ne sai q(ue) puisse deuenir q(ue) ma mors est ce dont e iespoire ioie. si mestourra en tel doulor languir q(ua)nt ie ne puis ne ueoir ne oir la bele rie(n)s a cui ie matendoie. |
En chantant vueil ma doulor descovrir, quant perdu ai ce que plus desirroie, las, si ne sai que puisse devenir, que ma mors* est ce dont i'espoire ioie, si m'estouvra en tel doulor languir, quant ie ne puis ne veoir ne oir, la bele riens a cui ie m'atendoie. |
| Quant ma(n)souie(n)t ioie enfont mi sapir. (et) cest toziors iames ne recroire. por li mestuet toute ge(n)t obeir. car ie ne sai se nus ua cele uoie. mais se nus puet damors a bien uenir par bien amer (et) loiaum(en)t soffrir ie sai deuoir encor en aurai ioie. |
Quant m'an souvient ioie en font mi sapir, et c'est toz iors iames ne recrerroie, por li m'estuet toute gent obeir, car ie ne sai se nus va cele voie, mais se nus puet d'amors a bien venir, par bien amer et loiaument soffrir, ie sai de voir encor en aurai ioie. |
| Soueig ne uos dame de fine amore q(ue) loiau tez ne uos ait obliee. que ie me fi ta(n)t en u(ost)re ualor quades mest uis q(ue) merci ai trouee. (et) no(n)porquant ie muir (et) nuit (et) ior ie uos uueil dire (et) conter ma dulour q(ue) par uos soit merie (et) (con)fortee. |
Soveigne vos dame, de fine amor, que loiautez ne vos ait obliee, que ie me fi tant en vostre vaolr, qu'ades m'est vis que merci ai trouee, et nonportquant ie muir et nuit et ior, je vos vueil dire et conter ma dulour, que par vos soit merie et confortee. |
| Dame bien uoil que uos sachiez deuoir (con)q(ue)s fame ne fu par moi amee. ne ia de uos ne me q(ue)rrai mouoir toute mentente iai ie ia tornee. ie nai mes tier dame de deceuoir. car de ce mal ne me sueil pas doloir ne meffreez sil uos plaist a lantree. |
Dame bien voil que vos sachiez de voir, c'onques fame ne fu par moi amee, ne ia de vos ne me querrai movoir, toute m'entente i'ai ie ia tornee. Ie n'ai mestier dame de decevoir, car de ce mal ne me sueil pas doloir, ne m'effreez, s'il vos plaist, a l'antree. |
| Chancon uatan garde ne remanoir prie celi qui plus ia pooir. q(ue) tu soies souant par li cha(n) tee. |
Chancon va, t'an garde ne remanoir, prie celi qui plus i a pooir, que tu soier sovant par li chantee. |