 |
P Ons decapduoill si fo deleueschat don fo Guillems de saint leidier rics hom mout erics bars. edabia ben trobar euiular ecantar. bons caualhers fon darmas efen parlans e gen domp neians. egrans ebels eben enseignatz. efo fort escars dauer. Mas mout sen sabia gen cobrir ab son bel acuillimen et ab far honor desa p(er)sona. Et amet p(er) amor madompna nalazais demercuor. moiller den oisil demercuer q(ue) fon filla den bernat dandusa. dun honrat baron dela marcha deproenssa. Mout lamet e la lauzet. e fetz maintas bonas chanssos della. etant qant ella uisqet non amet autra. Eqand la dompna fo morta (et) el se crozet epasset outramar. Et aqui son escriutas delas soas chanssos. |