|
Dieus aiudatz. savos platz. senher quarts edous evirai.e voillatz. o ab patz. lo iorns clars ebels cades na is. Nos abratz. que solatz. echantars e voutas elais. ai auzitz. pels plaidditz. dauzels petitz. lalbel iorn. clar (et) ador rn. Edieus aidatz. lalba par. el iorn vei clar. de lonc lamar. lalbel iorn par. |
I. Dieus, aiudatz S’a vos platz Senher quarts E dous e virai, E voillatz o ab patz Lo iorns clars E bels c’ades nais Nos abratz; que solatz E chantars E voutas e lais Ai auzitz D’auzels petitz Pels plaidditz. L’alb’el iorn Clar et adorn e Dieus aidatz L’alba par E.l iorn vei clar De lonc la mar l'albel iorn par |
|
Sus levatz. drutz camatz. que sem pars er bel iorn egais. enselatz. epu iatz. que lestar nous er pro huem ais. el comiatz. sia datz. ab dous fa itz (et) ab plazens fais. quels maritz. ai vist vestitz. venir garnitz. |
II. Sus levatz, Drutz c’amatz Que sem pars Er bels iorns e gais; Enselatz E pujatz, que l’estars Nous er pro huemais, el comiatz sia datz ab dous faitz et ab plazen fais Quels maritz Ai vist vestitz venir garnitz.
|
|
Ben gaitatz. eveillatz. gaitencars que nous er nuill fais. no crezatz. pe ls armatz. quel batzar del mieu amic lais. quen mos bratz. iauzen iatz. ela fars nous hiesca del cais. sautro ditz. faitz nesconditz. soven plevis |
III. Be gaitatz E veillatz, Gayt’encars Que nous er nuill fais. No crezatz Pels armatz Quel batzar Del mieu amic lais, Qu’en mon bratz iauzen iatz; e l’afars Nous hiesca del cais; S’autr’o ditz, Faitz n’esconditz Soven plevitz.
|