| [Dieus] aidatz. [sav]os platz. [sen]her cars [do]s verais e[ vuil]hatz. que.a[b] [pat]z. lo iorns clars [e bels cades na]is. Nos abratz. [car solatz. e] chantars e vou[tas] [e lais. ai au]zitz. dauzelhs [petitz. perl plaiss]aditz.lalbelhs [iorn. clar et a]dorns. ven dieus [aidatz. lalba pa]r. el iorn vei clar. [de lonc lamar. e] lalbel iorn par.
|
I. Dieus, aydatz S’a vos platz Senher cars E dous e verays, E vulhatz Que ab patz Lo jorns clars E bels c’ades nays Nos abratz; Car solatz E chantars E voutas e lays Ay auzitz D’auzels petitz Pels playssaditz. L’alb’el jorns Clars et adorns Ven. Dieus aydatz L’alba par E.l jorn vey clar De lonc la mar E l’alb’el jorns par. |
| [Sus levatz. dr]uitz quamatz. q(ue) [sem pars er b]elh iorn e clars. el [comia]tz. ab dous faitz. [et ab plazens] bais. e senhatz. e [puiatz. car l]estar non er bos [huei mais qu]els maritz. ai [vist vestitz. e] ben garnitz. lal [bel iorn clars et]. |
II. Sus levatz, Drutz c’amatz Que sem pars Er bels jorns e clars; el comjatz ab dous fars et ab plazens bays. Enselatz E pujatz, Car l’estars Nous er pro hueymays, Quels maritz Ay vist vestitz E ben garnitz. L’alb’el jorns Clars et adorns Ven. Dieus aydatz. L’alba par e.l jorn vey clar De lonc la mar E l’alb’el jorns par. |
| [Ben eveillatz] gaitatz. gaiten [que nons er] nulhs c(la)mais. no(n) [crezatz. per arm]atz. que iogars. [te mos amiei l]ais. que mon bratz. [iauzeiatz n]as. lafars nous [iesca del cais] sautro ditz. faitz [nesconditz. so]ven plevitz. lalbel [iorn clars. et a]dorns. ven (et).
|
III. Be velhatz E gaytatz Gayt’encars Que nous er nuill clamais. Non crezatz Per armatz Que jogars Del mieu amic lays, Qu’en mon bratz Jauzen jatz; Mas l’afars Nous iesca del cays; S’autr’o ditz, Faytz n’esconditz Soven plevitz. L’alb’el jorns Clars et adorns Ven. Dieus aydatz. L’alba par el jorn vey clar de lon la mar E l’alb’el jorns par. |