| Guiraut de borneill [ ]Eys glorios. verais lums e clardatz. dieus poderos. se nher si avos platz. al mieu conpainh sias fizels aiuda. quieu nolo vi pos la nueitz fo venguda. e ades seralalba. |
I. Reis glorios, verays lums e clardatz, Dieus poderos, senher, si a vos plaz, al mieu companh siatz fizels aiuda, qu’ieu non lo vi, pos la nuechs fon venguda, et ades sera l’alba! |
| Bel conpanho. Si dormitz ho vueillatz. no dormatz plus senher si avos platz. quen orien vei lastella creguda amenal iorn qeu lai nem conoguda. e ades sera lalba. |
II. Bel companho, si dormetz o velhatz non dormatz plus senher si a vos platz qu’en orient vey l’estela creguda qu’amenal jorn, qu’ieu l’ai ben conoguda, et ades sera l’alba! |
| Bel conpanho. Enchantan vos apel. no dormatz plus quieuaug Chantar lauzel quai qren lo iorn pleboscatge. e ai pahor ql gelos vos assatge. sius conses enans lalba. |
III. Bel companho, en chantan vos apel: non dormatz plus, qu’ieu aug chantar l’auzel que vai queren lo jorn per lo boscatge, et ai paor quel gilos |
| Bel companho pos mi parti devos. cu non dormi nun muec de genoillos. ans preghei dieu lo fill santa maria. q(uieu)s mi rendes per lial cnpanhia. e ades sera lalba. |
IV. Bel companho, pos mi parti de vos, hieu non dormi nim moc de ginolhos, ans preguiei Dieu, lo filh Sancta Maria, queus mi rendes per leyal companhia, et ades sera l'alba! |
| Bel conpanho. asse(tz) al fenestrel. e esgardas las estelas del cel. conoiseretz sius sui fizels missatges. si non ho faitz vostre nez le dapnatges. e ades sera lalba. |
V. Bel companho, eissetz al fenestrel, et esgardatz las ensenhas del cel; conoisseretz si.us sui fizels messatge: si non o faitz, vostres n'er lo damnatge, e ades sera l'alba |
| Bel conpanho la foras al peiros. mi pregauatz q(u)eu non fos dormil- los. enans ueilles tota nueit tro al dia. ara nous platz mos chans ni ma paria. e ades sera lalba |
VI. Bel companho, la foras al peiros me prejavatz qu'eu no fos dormilhos, enans velhes tota nueit tro al dia, ara nous platz mos chans ni me paria. et ades sera l'alba! |