| Rei ioglorios verais lums eclaratz. dieus poderos senher si avos platz. almieu com panh sias fizels aiuda.quieu non la vis pos lanueitz fon venguda. [et] ades cera lalba. |
I. Reis glorios, verays lums e clardatz, Dieus poderos, senher, si a vos plaz, al mieu companh siatz fizels aiuda, qu’ieu non lo vi, pos la nuechs fon venguda, et ades sera l’alba! |
| Bel companho si dormetz ho veillatz ne dor mas plus senher si avos platz. quen orien vei lestela cregudaiorn quieu lai ben conoguda. [et] ades cera lalba.
|
II. Bel companho, si dormetz o velhatz ne dormas plus senher si a vos platz, qu’en orient vey l’estela creguda qu’amenal jorn, qu’ieu l’ai ben conoguda, et ades sera l’alba!
|
| Bel companho enchantan vos appel. non dormatz plu quieu aug chantar lauzel. que vai queren lo iorn per lo boscatge. [et] ai paor quel gelos nos asage. sais conser enant lalba. |
III. Bel companho, en chantan vos apel: non dormatz plus, qu’ieu aug chantar l’auzel que vai queren lo jorn per lo boscatge, et ai paor quel gilos vos assatge, et ades sera l’alba! |
| Bel companho pos me partir devos. ieu no[n] dormi nim moc de ginoillos. ans preguei dieu lo fill sancta maria. queus mi rendes per leial companhia. [et] ades cer[a] lalba. |
IV. Bel companho, pos mi parti de vos, hieu non dormi nim moc de ginolhos, ans preguiei Dieu, lo filh Sancta Maria, que•us mi rendes per leyal companhia, et ades sera l’alba! |
| Bel companho issetz alfenestrel [et] enguar datz las ensenhar del cel. conoiseretz sius soi fizels mesatges. si non ho faitz vostr es ner lo dampnatges. [et] ades cera lalba. |
V. Bel companho, yssetz al fenestrel e regardatz las ensenhas del cel: conoisseretz s’ie•us sui fizels messatge; se non o faitz, vostres n’er lo dampnatge, et ades sera l’alba! |
| Bel companho laforas alspeiro. mi preivatz quieu nofos dormillos. enans veilles tota nu eit tro aldia. ara nous platz mos chans ni ma paria. [et] ades cera lalba. |
VI. Bel companho, la foras als peiros mi preyavatz qu’ieu no fos dormilhos, enans velhes tota nuech tro al dia; ara nous platz mos chans ni ma paria, et ades sera l’alba! |