|
Reis.Guiraut d bornelh. glorios veraus lums e clardatz. Dieus pote ros senher; si a vos plaz al mieu companh siatz fizels a vida. Quieu non lo vi pos la nu ech fon venguda. [et] ades sera lal |
I. Reis glorios, verays lums e clardatz, Dieus poderos, senher, si a vos plaz, al mieu companh siatz fizels aiuda, qu’ieu non lo vi, pos la nuechs fon venguda, et ades sera l’alba! |
|
Bel companho si dormetz ba. o velhatz. non dormiatz si a vos vissitatz. quen orient vey lestela creguta. qua menal iorn q eu lai ben conoguda. [et] ades sera |
II. Bel companho, si dormetz o velhatz? Cal que fazatz, en estans vos levatz, qu’en orient vey l’estela creguda qu’amenal jorn, qu’ieu l’ai ben conoguda, et ades sera l’alba! |
|
Bel companho enchata lalba. vos apel. non dormatz pls quieu aug chantar lauzel. que vai q ren lo iorn per lo boscatge. [et] ai pa or quel gilos vos assatge. [et] ades sera lalba. |
III. Bel companho, en chantan vos apel: non dormatz plus, qu’ieu aug chantar l’auzel que vai queren lo jorn per lo boscatge, et ai paor quel gilos vos assatge, et ades sera l’alba! |
|
Bel companho yssetz al fenestrel. e regardatz las estelas del cel. co noisseretz sieus sui fizels messat ge. se nono faitz vostres ner lo dampnatge. [et] ades sera lalba. |
IV. Bel companho, yssetz al fenestrel e regardatz las ensenhas del cel: conoisseretz s’ieus sui fizels messatge; se non o faitz, vostres n’er lo dampnatge, et ades sera l’alba! |
|
Bel companho ps mi parti de Vos. Hieu non dormi nim moc de ginolhos. Ans preguier dieus lo filh sancta maria. ques mi rendos per leyal companhia. Et ades sera lalba |
V. Bel companho, pos mi parti de vos, hieu non dormi ni•m moc de ginolhos, ans preguiei Dieu, lo filh Sancta Maria, queus mi rendes per leyal companhia, et ades sera l’alba! |
|
Bel companho quar es trop en veyos. que quant viatim per por tal ambetes. esgardetz sus vis la genser que sia. de mius partitz lai tenguetz vostra via. [et] ades sera |
VI. Bel companho, quar es trop enueyos que quant intrem pel portal ambedos esgardetz sus, vis la genser que sia, de mius partitz, lai tenguetz vostra via, e ades sera l’alba! |
|
Bel companho la foras als lalba Peiros mi preyavatz qeu no fos Dormilhos. Enans velhes tota nu ech tro al dia. ara nous platz mos chant ni ma paria . [et] ades sera lalba |
VII. Bel companho, la foras als peiros mi preyavatz qu’ieu no fos dormilhos, enans velhes tota nuech tro al dia; ara nous platz mos chans ni ma paria, et ades sera l’alba! |