| 96r | |
 |
B(er)tra(n) del bor(n). Ieu mes(con)disc dona q(ue) mal non<m> mier de so q(ue)us an de mi dig lauzengier. p(er) merceus prec com nom puesca mesclar. lo uostre cor fin lial vertadier. hu- mils e francx e plazentier. *Ab mi dona p(er) messonias comtar. Al p(re)mier get p(er) dieu mo(n) esparuier. q(ue)l m- ausian ponh falcon lanier. e porto(n) le(n) q(ue)el lor ueya plumar. si no(n) am mai de uos lo cossirier. no fas dautra iauzir lo dezirier. q(ue) do(n) samor nim retenhal colcar. Autresco(n)dig uos farai p(lus)* sobrier. e no me(n) pu- esc orar p(lus)* e(n)combrier sieu a(n)c falhi ves vos neys del pe(n)- sar. can serem sols e(n) cambro dins u(er)gier. falham poders de- vas mo(n) companhier. de tal guiza q(ue) nom puescaiudar. Es- cut al col. caual gineu ab tempier. e port alas capairo* tra- u(er)sier e regnas breus. q(ue) no(n) puescalo(n)gar. et estrueps loncx e caual mal trotier. et al ostal truep irat lostalier. si nous menti.* q(u)eus o anes comtar. Sieu p(er) iogar. masett al taulier. ia noy puesca baratar (un*) denier. ni ab taula p(re)za- no(n) puesq(ue)ntrar ans giet ades lo reirazar derrier. sieu mais autra dona am ni e(n)q(ue)r. mais uos cuy am e dezir e te(n)c car. & Senh(er) sia yeu de castel parsonier. si q(ue)n la tor siam q(a)tre parsonier. e lu(n) lautre noca(n)spuscam amar. a(n)s maio(n) obs toste(m)ps albalestrier. metic sirue(n)s e gaitas e portier. sieu a(n)c aic cor. dautra donamar. Madonam lais p(er) autre ca- uaier. et pueis no sai a q(ue) maia mestier. et falham uens ca(n)t- yrai sobre mar e(n) cort de rey mi bato(n) li portier. (et) e(n) cocha fa- sal fogir premier. si nous me(n)ti q(u)eu manet e(s)cuzar. Fals e(n)uios fe me(n)titz* lauze(n)gier p(lus)* ab mi do(n)s maues mes e(n)combrier be lauzera q(ue) laisassetz estar. B(er)tra(n) del Bor(n). |