| 45r |
 |
| dona per menconias comtar. Al primer get p(er)da eu mon esparuer q(ue)l mauazan el poinh falcolanier e porton len queu lor ueia plumar. siu mais non am de uos lo cors entier que denuyl autre au lo desirier quem don samor nim recenhal colgar Autres condigh uos faray plus sobriers e nom posc orar plus descombri- er sieu anc falhi uas uos neil del pensar. tant serem sol en cambra odins uergiers. falhem poders deues mon compayner. de tal guisa que non posca uidar. |
 |
| Si eu per ioglar masec pres de taulier. ia noi posca baratar i(d est) denier. ni taula preza no poscha entrar. ans giet ades lor enazar derrier. si eu i autra dona deman ni enquier mas uos cui am edezirie tenc car Seyner sia eu de castel parsonier si quen la tor sian catre parier. cia i lus lautre nonos poscam amar. ans maion obs totz temps artalestier metges siruens e gaches e porders. si eu aic cor dautra dona mar |
 |
| Madomna lais p(er) autre caualier. e pois no say a que maia mestier. e falhem uenz cant serai sobre mar. en cort de rey mi baton li portier. ezen cocha fassal primer fugir p(re)mer. cel quius [o] anet comtar Fals lauzengiers [o]aos famentic. pos ab mi dons mauet mes destor bier. ben lausera quem laisse sfaz estar. |